Аслияб гьумералде

ХIайванал хьихьиялъул даража

ХIайванал хьихьиялъул даража

ХIайванал хьихьиялъул даража

ХIурматиял вацалгун яцал, хIалалаб магIишат гьаби гIибадаталъул бакIалда чIола, чияде ккечIого, жиндирго хъизан хьихьиялъул мурадалда бугони. Хасго росабалъ ругел гIадамазул бащдаб магIишат гIадаб жо ккола хIайванал хьихьи. Гьелъул хIалаллъи ва хиралъи лъаларищ аварагзабазул хIалтIи кинаб букIарабали лъани. Гьезул гIемерисезул хIалтIи букIана вехьлъи гьаби. Советазул заманалда кутакалда хайир цIикIкIараб магIишатги кколаан гьеб. Гьаб заманалдаги хайир кколареб жо гьеб гуро.

Амма гьанже боцIи хIебтIизе рес бугел росабазул гIолохъабазги гьеб хьихьулеб гьечIо. Щайгурелъул бигьаяб магIишат балагьун, дагьабниги захIмат бихьулеб гьабуларого букIун. Рахь-щарги тукадаса босун хIебтIулел руго.

Муслимгун Бухарияс бицараб хIадисалда буго Бичасул аварагас ﷺ абунин: «Цо чи унев вукIана нухда ва кутакаб къечги бергьун гьев ана гъуялде аскIове, цинги лъимги гьекъана. Гьениса тIадвуссунаго нухда бихьана гIемер къечеялъ ракь кунеб гьой. Гьесда ракIалде ккана дунго гIадин къечон бугин гьабгиян. Гъуялде тIадги вуссун, жиндирго хьитги бахъун, гьелда жанибе лъимги босун гьекъезе кьуна гьвеялъе. Гьеб ишалъухъ Аллагьас гьесие баркала загьир гьабуна ва гьесул мунагьалги чурана», - ян.

Цинги асхIабзабаз гьикъана хIайваназе лъикIлъи гьабуралъухъги кирийищ букIунебилан абун. Бичасул аварагас ﷺ жаваб гьабуна щибаб жоялъе, ай жинда рухI бугебщиналъе гьабуралъухъ кири бугилан. Балагьеха, бусурбаби, гьведуе цо нухалъ лъим кьунин абун Аллагьас гьев чиясул мунагьал чурун руго.

Пикру гьабеха, бусурбаби, квеш хьвадулей йикIарай гIаданалъул мунагьал, гьведул рухI хвасар гьабунин абун, чурулев Аллагь, цогидал хIайваназе хъулухъ гьабиялдалъун кигIандай вохила. БоцIи хьихьарав чияс кутакалда балагьизе ккола гьезда хадуб. Ракъун тани, мунагьги букIуна. Жаниб тIамун кету хвезабурай гIаданалъе гIазаб бугин абуна Бичасул аварагас ﷺ . Гьединлъидал дагьаб кIвар кьезе рекъараб буго берцинго гьел хьихьиялде. БоцIи хьихьулев чиясе, гьеб кириялде тIадеги, рес буго рахь-щаралдалъун садакъа гьабизеги. Садакъаялъ гурищ балагьалги нахъчIвалел, гIумруялда баракатги лъолеб.

ГIАБДУЛЛАГЬ МУХIАММАДОВ

2026-05-01 (ЗулкъагIида 1447 с.) №9.


ХIафиз ибн Башкъул КъуртIуби

Имам, хIафиз, факъигь, тарихчи Абулкъасим Халаф ибну ГӀабдулмалик ибну МасгӀуд ибну Муса ибну Юсуф ибну Дакъагь ибну Наср ал-Ансари ал-Хазражи ал-Андалуси. Гьесул тIокIцIар ккола ибну Башкъул КъуртIуби. Гьев гьавуна гьижрияб 494 соналъ.   Ибну Башкъулица гӀелму босизе байбихьана гӀолохъанаб...


ГIараб мацI лъаялъул мажлис

Дагъистаналъул исламияб университеталда тIобитIана гIараб мацI лъаялъул мажлис. Гьебги тIобитIана бацIцIадаб гIараб мацIалда. Мажлис тIобитIиялъе гIилла букIана студентазул гIараб мацIалде рокьи цIикIкIинаби, гьезда гьеб лъалеб куцалъухъ балагьи ва гьелде кьолеб кIвар цIикIкIинаби. Мажлисалда...


Гьалаглъиялде рачунеб

Исламалда хъантIи рикIкIуна какарал тIабигIатазул бищунго захIматал, хъубал жалазул цояблъун, дунялалъул лазатаздехун гIорхъолъа араб рокьиялъул кьалбалги жиндир бугеб. Гьеб хасияталъ инсанасул рухIияб гIумру хвезаби гуребги, гьев дунялалда талихI къосиналъеги ахираталда тамихIалъе сабаблъунги...


Нужее баяналъе

  Киталъул чохьониве щив авараг ккарав? – Юнус авараг. Маккаялъул сураби чан ругел? – 85. Мадинаялъул сураби чан ругел? – 29. МоцI чан нухалъ рехсараб Къуръаналда? – 12 нухалъ. Къуръаналда бугеб бищун кIудияб къиса щиб? – Юсуф...


ХIикматал махлукъатал

ГIанкI   ГӀемерисез гIанкI рикIкIуна хIинкъараб рухIчIаголъи-лъун. Амма гьеб буго кутакалда сихIираб ва бекеризе гьунар бугеб.   Заман бихьун гьелда кIола тIомол расул кьер хисизеги. Кьер хисиялъ кумек гьабула бахчизе. Гьеб бекерула 70-80 километрги сагIтие тун. Амма борчIизе рес...