Калам къокъал, магIна гIемерал аварагасул ﷺ рагIаби
Калам къокъал, магIна гIемерал аварагасул ﷺ рагIаби
Бичасул аварагас ﷺ абуна:
– Диналъул бищун хирияб варагI буго.
– Бищун хирияб садакъа пакъирав мискинасе кьураб буго, дуцаго хьихьизе
кколездасан байбихьи гьабе.
– ГIадамазул бищун хириял – Аллагьасукьа бищунго цIикIкIун хIинкъарал ва гIагарлъи хурхинабулел руго.
– ТалихI батана жиндие гIакълу ризкъилъун кьурав чиясе.
– Нафакъа кьеялъулъ тадбир гьаби бащдаб магIишат ккола.
– ГIадамаздехун рокьа-хинлъиялда вукIин бащдаб гIакълу ккола.
– Берцинго суал кьей бащдаб гIелму ккола.
– Аллагь Жиндир лагъасе кумекалда вуго, гьев лагъ жиндир диналъул вацасул кумекалда вугевгIан заманаялъ.
– Жагьилияб заманалъул гIадат хвезабе исламалъ берцинаблъун рикIкIараб хутIизегIан.
– Нилъеда амру гьабун буго гIадамаздехун гьезул гIакълуялъул къадаралда кIалъай абун.
– ТIадегIанав Аллагьас дун витIана жинца тIовитIулев рахIматлъун.
– Дун витIун вуго цоял къавмал тIадегIан, цогидал гIодорегIан гьаризе.
– БетIергьан Аллагьас дир умматалъе бигьа гьабуна кIочараб ва гьезда хIал гьабураб жо.
– ТIадегIанав Аллагьас хIакъаб жо лъуна ГIумарил ракIалда ва мацIалда.
– БетIергьан Аллагь валагьуларо нужер чурхдузухъ яги нужер суратазухъ, Гьев валагьула нужер ракIазде.
– Аллагьасе бокьула тIадегIанал амраби. Гьесие рокьуларо гIодорегIанал ишал.
– Аллагьасе бокьула кинабниги ишалъулъ гурхIел.
– ТIадегIанав Аллагьас ризкъи рещтIинабула щивасул хIалалда рекъон.
– Дармилъ бищунго къурал ккола дунялалъухъ ахират бичарал чагIи.
– Дин буго бигьаяб жо. Гьеб захIмат гьабизе лъугьарав чи диналдаса къуна.
