Аварагасул ﷺ агьлу бокьи

Авараг ﷺ вокьи ва гьесда нахърилълъин иманалъул гIаламатлъун ккола. Авараг ﷺ вокьидал, гьесда хурхарабщинабги нилъее бокьизе ккола. Хасго Аварагасул ﷺ агьлу-хъизан ва гIагарлъи.

ГIумар-асхIабас, Аварагасул ﷺ имгIал ГIабасида абула, дур Ислам дие цIикIкIун бокьула дир инсул Исламалдаса (босун букIарабани). Щайгурелъул, ГIабасил Ислам Аварагасе ﷺ цIикIкIун хириябги бокьулебги букIиналъ.

Анас ибну Маликица абула, Аварагасе ﷺ хъабахъ бокьулеб бихьидал диеги гьеб бокьанин. Анасие хъабахъ берцинлъиялъе ва тIагIамалъе гIоло бокьичIо, хасгьабун Аварагасе ﷺ бокьулеб букIиналъ бокьана. Гьединлъидал нилъеца лъазабизе ккола Аварагасе ﷺ бокьулеб букIанщинаб. Гьеб рокьиялъ нилъ тIамула Аварагасул ﷺ суннат цIунизе. Нилъер рокьи загIипаб батани, гьеб бараб буго Аварагасул ﷺ гIумру лъангутIиялда. Щайин абуни, чара гьечIого Авараг ﷺ вокьула Гьесул лъикIал тIабигIатал лъарав чиясе.

Имам Зугьрияс абуна: «ГIали ибн ХIусейнидаса къурайшияздаса гьоркьоса хирияв чи вихьичIо. Гьесул цIар рагIидал, гIодулаан», - ян. Гьесда абула Зайнул ГIабидин абунги.

СагIид ибну Мусаябица абуна ГIали ибну ХIусейнидаса варагI цIунарав чи вихьичIилан.

Имам Бухарияс ГIукъбат ибну ХIарисидасан бицана: «Абубакар-асхIаб цо нухалъ бакъанил какги бан къватIиве вахъуна. Цинги вихьула ХIасан, лъималгун цадахъ, васандулев. Горбода гьевги ваччун, Абубакарица абула: «Гьев Аварагасда ﷺ релълъарав вуго, инсуда ГIалида релълъарав гьечIо», - ян. Гьеб мехалда ГIали-асхIаб велъулев вукIана. Гьеб букIана Абубакаридаги ГIали-асхIабидаги гьоркьоб бугеб рокьи. ХIатта ГIали-асхIабас жиндирго васазул цоясда Абубакар абун цIар лъола. Гьелдаса хадуб ГIали-асхIабас тарбия кьола Абубакарил цояв васасе ва гьесул тIалабги гьабулаан. Гьединаб букIана гьезул цоцазул ургъелги, тIалаб гьабиги ва гьоркьоб бугеб рокьиги.

Гьединго ГIали-асхIаб вукIана кIварабгIан кумек гьабулев ГIумар-асхIабасе. Гьелъ ГIумар-асхIабас абулаан, ГIали вукIинчIевани ГIумар гьалаглъулаанилан. Умму Кулсум абурай гьесул яс ячуна ГIали-асхIабица. Гьелъ тIоритIел гьабула ГIали-асхIабас гьев кIодо гьавулев вукIин.

Шамил МухIаммадов

2026-09-01 (РабигIул аввал 1448 с) №17.

Хъизан гьаби ккола ТIадегIанав Аллагьасда цебе кIудияб жавабчилъи. Нилъеца хъизан гIуцIула Аллагьасул амруялдалъун ва Аварагасул ﷺ суннаталдалъун, гьединлъидал, нилъеца хIаракат бахъизе ккола диналъ малъараб куцалда хъизамалда гIумру гьабизе. Квеш ккараб жо, жакъа гIемерал хъизамал...

(Байбихьи цересел номералда) Гьелдаса хадуб рагьун дин биччазегIан гьев мубарак жиндирго цIулал хIалтIиги гьабун гIадамазда гьоркьов гIадатияв чилъун вукIун вуго. Дагъистаналде зияраталъ вачIанщинахъе гьес рещтIен гьабулеб букIун буго ХасмухIаммад-хIажиясухъ. Гьесул гIумрудул цIех-рех...

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...

Каспийск шагьаралда тӀобитӀана «Ас-салам» газета цӀалулезулгун дандчӀвай. Гьеб тадбирги тIобитIана баракатаб рабигIул аввал моцӀалъул хIурматалда. «Ас-салам» ккола тIолабго улкаялда ва гьеб бахун къватIибги лъалеб басма. Гьединлъидал гьелдехун гьабулеб бербалагьиги букIуна...

Как буго диналъул кьучI ва аслу. Как тарав чиясул дин биххулин абун буго хIадисалдаги. Гьелъул магIна ккола диналъул щулалъи какалда бараб букIунин. Бусурбанчияс кIвар кьезе ккола какалде. Гьелъул кIвар бицана хIадисалъги: «Дуда лъай, ишазул бищун лъикIаб как бугеблъи...»...

Аварагасул ﷺ агьлу бокьи