Аслияб гьумералде

ГIайиб бугониги гIайиб гьечIев

ГIайиб бугониги гIайиб гьечIев

Умумузул заманалда рукIарал гIадатал, гьанже ругездаса нусго нухалъ цIикIкIун шаригIаталда рекъарал рукIана. Щайин абуни, гьез гьел диналдаса росун рукIиналъ. ЧIужугIадан, цо къотIноб бихьинчигун дандчIвани, цогидаб нухдасан унаан. Гьединго кьураб рагIи, гьабураб къотIи тIубай бихьинчилъи хвезабиялдасан рикIкIунаан. Гьанже унтараб суаллъун ккола налъи босарас гьеб нахъбуссинабунгутIи. Нахъе кьеян абидал тушманасде гIадин балагьула.

Аварагасул ﷺ хIадисалда буго, хIалтIи гьабурав чиясе гьесул гIетI бакъвалалде гIарац кьеян абун. Нилъеда ккела гьеб кIвар бугеб жо гьечIилан. Амма аварагасул ﷺ рагIабазда жаниб кидаго букIуна гъваридаб магIна. ХIалтIи гьабурав чи вукIуна кидадай гIарац кьелебилан балагьун чIун. Гьединго налъи кьурав чиги балагьун чIун вукIуна кидадай нахъе кьелебин абун. Щайгурелъул гьесулги хьул букIунелъулха гьеб къваригIараб бакIалда хвезабизе бокьараб. Гьебин абуни цо-цоязда дунял кIалагъоркье буссаниги бичIчIуларо.

Ибну МасгIудица «ИншааЛлагь» абун гурони къотIи гьабулароан, хадубги щулияб ният гьабидал чара гьечIого тIубазабизе ккола къотIи, гIузру гьечIебгIан заманалда жаниб. КъотIи кьолаго ният батани гьеб тIубазабичIого тезе абун, гьеб нифакъалдасан ккола.

Имам МухIаммад Магьдица (Равас) абуна: «КъотIи тIубазаби гIаданлъиялдасан ккола, гьебги иманалдаса буго», - ян.

Иман загIипал чагIазе жеги цIикIкIун хIинкъи буго къотIи хвезабиялъулъ. Гьелъие жаваб гьабила шайих ГIабдулкъадир Гиланиясул рагIабаздалъун: «Иман загIипав чияс къотIи гьабидал чара гьечIого тIубазабизе ккола, гьесул хутIараб иман, якъин нахъе инчIого букIине». Жеги абула, лъабго жоялъ чиясул къимат борхизабулин: кьураб къотIи тIубазабиялъ, напсалда хадуб халккеялъ ва бацIцIадаб нияталъ.

ГIакъилзабаз абула гьереси бициналда хIинкъарав чияс къотIи-къаял дагь гьареян. ГIезегIан чияс живго вацIцIад гьавизелъун бицуна гьереси, цо бакIалде кватIун вачIарав мехалъги берцинаб гIузру бачинчIого чIванкъотIун гьерсал рицунев ватула. Щай нилъее гьечIеб бакIалдаса балагь тIаде цIан, шаригIаталъ малъунги букIаго кинабго жо бугеб куцалда берцинго бицеян. Гьелъулъ кIудияб баракатги буго.

ШАМИЛ МУХIАММАДОВ

2026-09-15 (РабигIул ахир 1448 с.) №18.


Берцинлъи гьаби

Инсанас ретIулеб ретIелги берцинлъиялъе хIалтIизе гьарулел жалги хIалалал рукIуна, гIаммаб куцалда босани. Кинниги гьезда гъорлъ руго хIалтIизаризеги ва гьездалъун къачIадизеги бегьуларел жалги.   Гьел киналго хIалтIизаризе бегьулел жал руго Аллагьас нилъее дунялалда ругебгIан заманалъ...


Гъваридаб лъай

Гьале тIаде щвана цIалул заман. Киналго лъимал школаздеги, студентал цIалул идарабаздеги хьвадун байбихьула жидерго лъай цIикIкIинабизе. Исламалда лъай тIалаб гьабиялде кьола бищун цIикIкIун кIвар. Гьелде тIоритIел гьабулел аяталгун хIадисал гIемерал руго. Цересел номеразда гьелъул хIакъалъулъ...


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...


Къинал руччабазе малъа-хъваял

Лъимер гьабизе йигеб заман буго цIакъ кIвар бугеб гIуж. Гьеб заманалда, хасго чIужугIаданалъ, жиндирго сахлъи ва рацIцIалъи, кванил ва цогидалъулги низам цIунизе ккола. Гьединго халкквезе ккола тIад ретIунеб ратIлида хадубги. Лъимер ва жийго квачалдаса цIунизе ккола, тIадкъараб ретIел, угъдул...


Щай рахъунел?

Мавлид ахIулеб заманалда бусурбабазда гьоркьоб машгьураб гIадат буго, МухIаммад авараг ﷺ гьавураб лахIзаталъул ахIулелъул, киналго тIаде рахъунеб. Гьебги гьабула Аллагьасул Расул вокьиялъул, рохелалъул, гьесие гьабулеб адаб-хIурматалъул гIаламат хIисабалда.   Гьеб гIадат къабул гьабурал...