ТIоцебе лъадуда цIехолеб…

Исламияб диналъ жанибе бачуна дунялалда лъугьунебщинаб жо, гIумрудул ишал. ТIадегIанав Аллагьас ﷻ динги нилъехъе битIана рукIа-рахъунеб къагIида нилъеда лъазелъун.

Гьединго диналъ жанибе бачуна лъадуда хурхарабщинабги. Аллагьасул вали ТIавусица абуна: «Чиясул диналъул цо бутIа ккола чIужуги», - ян. Гьейгун рукIине ккола диналъ малъараб куцалъ, ай нилъер напсалъе бокьараб къагIидаялъ гуреб. Хъизан гьабурав чиясда абула мун вукIайин гьелъие эменлъунги, эбеллъунги ва вацгун яцлъунгиян.

Гьединлъидал росасе рекъола гьелдехун инсулаб гурхIелги эбелалъулаб хIалимлъиги бихьизабизе. Гьеб мехалда вукIине вуго мун хIакъикъияв рослъун. Шайих Къатадидасан бицана: «Къиямасеб къоялъ тIоцебе чIужугIаданалда цIехола какил хIакъалъулъ, хадуб - росасул хIукъукъал тIуранищ», - илан абун.

ХIасанул Басриясда гьикъула дир йигин яс ва гьей абизе рачIун ругин цо чагIи, гьей лъие кьелейилан? ХIасанул Басрияс абула, дуца гьей кьейин иман бугев чиясе. Гьесие гьей йокьани, гьес гьелъул хIурмат гьабизе бугин, йокьичIони, зулмугIаги гьабизе гьечIин. Цо нухалъ ибн ГIумарил хьул къотIула чIужу ячиналдаса. Муъминзабазул эбел ХIафсатица гьесда абула, дуца гьеб пикру тейин ва чIужуги ячейин абун. Щайин абуни, дуе лъимер гьабуни, гьелъухъ кири букIунин ва кIудияб гIедал гьелъ дуе дугIа гьабизе бугин абун.

Цо-цоязда ккезе бегьула лъималазул боцIи жал бетIергьанаб бугин абун. Имам Байгьакъияс Къайс ибн Абу ХIазимидисан бицана: «Цо чи Абубакарихъе вачIуна ва абула: «Инсуе бокьун буго кинабго дир бечелъи жинхъего босизе, ай дир бугилан чIолев вуго гьев», - ян. Абубакарица гьесул инсуда абула: «Гьесул боцIиялдаса дуе буго мун хIажатаб жо, ай дуе кколеб напакъа», - илан.

Цинги гьес халипасда абула: «Я Аллагьасул расуласул халипа! Аллагьасул расулас абичIищ лъимерги ва гьесул боцIиги инсуе буго», - ян. Халипас абула, аварагас абунин напакъаялъул хIакъалъулъ. Нилъер лъикIаб хьвада-чIвадиялъ кьола баракатаб наслу. Гьелъие нугIлъи гьабула ибн Мубаракилги инсулги ккараб къисаялъ. Гьединго нилъер хьвада- чIвадиялдаса мисал босула лъималазги лъималазул лъималазги. Квешаб хьвади бугони, гьеб квешлъи гьезиеги щола, лъикIаб бугони - лъикIабги щола. Аллагьас тавпикъ кьеги берцинго хьвадизе, цоцазул хIурмат гьабизе.

ШАМИЛ МУХIАММАДОВ

2026-07-01 (МухIаррам 1448 с.) №13.

Хасавюрт районалде щварал Дагъистаналъул хӀукуматалъул нухмалъулев МухIаммад Рамазановас, «Инсан» фондалъул генералияв директор МухIаммад ГӀабдурахӀмановас ва муфтияталъул северияб округалда вугев вакил МухӀаммад Мукъошдибировас дандбана лъеца зарал ккаразе кумек гьабиялъул суал. М....

«Салул гамайилан» сунда абулеб? – Вараниялда. Аварагзабазул рикIкIен рехсараб аят щиб? – Сура «ан-Ниса». Щиб сураялъулъ кIиго нухалъ басмала рехсараб? – Суратул «ан-Намлалда». Адам щиб къоялъ вижарав? – Рузман...

Гьал къоязда Хасавюрт шагьаралда тӀобитӀараб, Саидбег Даитовасул цӀаралда бугеб къецалда бергьарал гӀолохъанал гӀалимзабазегун хӀафизазе гьоболлъи гьабуна Дагъистан республикаялъул муфти, шайих АхӀмад-афандица. Данделъиялда шайих АхӀмад-афандица баркана щварал бергьенлъаби ва бицана диналъе...

Аварагас ﷺ абунин имам Муслимидасан бицун буго: «БетIергьан Аллагь ﷻ вацIцIадав вуго, бацIцIадаб гурони Жинца къабулги гьабуларо. Аллагьас ﷻ муъминзабазде, расулзабазда амру гьабуралдалъун амруги гьабуна “Ва, гьал расулзаби, нужеца бацIцIадаб кванай ва лъикIал гIамалалги гьаре”,...

Къунуталъ (магьдина) какилъ хасаб бакI ккола ва гьеб ккола ШафигIияб мазгьабалда бищунго кIвар бугел суннатазул цояб. Гьеб буго рогьалил какил кIиабилеб ракагIаталда, рукугIалдаса хадуб цIалулеб хасаб дугIа. Гьединго къунут цIалула витрулъул какда, рамазан моцIалъул ахирисеб бутIаялда ва балагь...

ТIоцебе лъадуда цIехолеб…