Инсуде

ГьитIинго бесдалго, къварид нижги тун,
Дада, анаха мун ахираталде.
ГIодулей эбел тун, чиякъ лъимал тун,
Къокъидго гьабуна дуца къомех-лъикI.

Бищун дуй хирияй Хадижатин дун,
Дадаянги ахIун къойил гIодулей.
Диени, дада мун, канлъи вукIана,
Канлъи дие къотIун къварид йиго дун.

Щиб абун кIалъалей, щиб мацI бицинеб,
ГIодилей хутIарай нижер бабада.
Суратахъ балагьун магIил гIорги тIун,
Дуда хадуй эбел паналъун йиго.

Мун жанив щоларев, мун вачIунарев
ЧIобоголъун буго гьаб нилъер къайи.
ЧIунтун руго ракIал, пашман руго ниж,
Дада, мунин абун къойил гIодилел.

Берал руго урхъун дада вихьизе,
Дир рекIел чIухIилъун мунлъидал вугев.
Дуца, дада, ниж чиякъго тана
Къойилго гIодулел ва дур бицунел.

ХАДИЖАТ РАСУЛОВА, 11 СОН, КЪВАНИБ РОСУ.

Баркула вацасда

Баркула, Гъазияв, ракI-ракIалъ дуда,
АнцIила щуго сон дуца бараб къо.
Гьарула дица дур чорхое сахлъи,
Аллагьас цIунаги гIумруялъго мун.

Нижер цохIо вугев вац дуе гIоло,
ГIумруцин кьезе ниж хIадурал руго.
Мун вуго нижер рухI, нижер хазина,
МунгIан хирияв чи нижее гьечIо.

РекIелъ хIинкъи гьечIев гъалбацI киниги,
Нижеда нахъа мун кьурулъун чIола.
Киналго мурадал тIурайги, вац, дур,
ТалихIаб гIумру кьун вохунги тайги.

МАХIМУДОВА ЗАИРА, УЗДАЛРОСУ.