Аслияб гьумералде

КIодоэбел ва лъимал

КIодоэбел ва лъимал

КIодолги ясалъулги накъит

Яс: ало, кIодоэбел, лъикI яхъарай!

КIодо: йорчIами, дир яс! Кин бугеб дур ищ?

Яс: кIодо, дадацаги бабацаги дие изну кьуна хасалихълъиялъул гIодоркъояз духъе ячIине. Бегьилищ ячIине?

КIодо: щай бегьулареб. Амма дир гIемераб хIалтIи букIине бугоха ахикь.

Яс: дица кумек гьабила. Щиб дуе гьабизе бокьун бугеб?

КIодо: къваригIун буго цIибил кIуризе ва помидоразул ракъварал хъархъал нахъе гьаризе, хъапустIанги ламадурги бакIаризе, ах тIанхаздаса бацIцIад гьабизе.

Яс: тIанхал ракIаризе дида кIола. Амма цIибил кIурун дихъа бажаруларо.

КIодо: лъикI буго. Дица дуда кинабго бихьизабила.

Яс: кIодо, дуца гьариларищ хъабхъилъ чадал?

КIодо: гьарила, исана хъабхъазул бачIинги буго.

Яс: дуца гIурдахIанал ракIаранищ рохьоса?

КIодо: дагьалго жал ракIарана. ЦIадал ралел руго, дунял роцIцIиндал цадахъ рилълъина ракIаризе.

Яс: лъикI буго, гIодоркъоял анкьидаса байбихьула. Хадубги ахIилаха духъе.

ХIурматиял лъимал! Нужецаго рахъарал суратал, кучIдул ва цогидал жал гьаб номералде 7 988 458 16 63 ритIизе бегьула!

КIодолги васасулги накъит

КIодо: я, дир вас, кваначIого нахъе хутIараб холодильникалъуб лъун те.

Вас: тIаса лъугьа, кIодо, кIочон тана. Дур гъадриниб щибго жо нахъе хутIулеб гьечIо. Кин гьеб букIунеб?

КIодо: дир вас, дуда гьеб лъачIого лъикI. Дур кIодо жеги гьитIинай гIадан йикIана рагъул заманалда. Квен цIакъ дагьаб букIунаан, кидаго ракъунги рукIунаан. Эбелалъ щиб бугониги босун бачIани, гьебсагIатго кваналеб букIана. Щибаб мочIо цIакъ хирияб букIана ва щибго нахъеги рехулароан.

Вас: вай, гъарим, кIодо. Мун кваналейгойищха йикIинчIей?

КIодо: квешаб заман букIана доб, дун цIакъ йохарай йиго, дир лъималазул кинабго жо гIураб букIиналдаса. Гьединлъидал, квен холеб мехалъ, дида ракIалда щола рагъ.

Вас: мун йитIарай йиго. Бегьуларо квен пасат гьабизе. Гьеб буго эбел-инсуца гIезегIан гIакъубаги бихьун балагьараб нигIмат. Дида кинабго бичIчIула. Нижер мугIалималъ бицунеб букIана тукабаздасаги гIадамазги нахъе рехулеб кваница Африкаялъул пачалихъал кваназаризе кIолин. Амма лъицаниги добе квен щвезабуларо.

КIодо: нилъер гьаб дунялалда букIуна тIекълъи, гIадлу гьечIолъи. Мун дир гIакъилав, цIодорав вас вукIун вуго, дун чIухIула дудаса.

ХЪВАНА МУХIАММАД-РАСУЛ ЖАВАТХАНОВАС, ГЬИЛИБ РОСУ

2026-09-15 (РабигIул ахир 1448 с.) №18.


Гьикъизе нечараб бицине намусаб

Якьадги росги   Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...


ГIибадат гьабизе рес

ХIурматиял бусурбаби, гьале тIаде щвана хаслихълъиялъул къоял. БагIарараб рииги тIаса ун, гьогьомиялъ кверщел гьабуна ракьалда. Гьайгьай, сордоги кIодолъана, къоги саламатго гьитIинлъана. ГIибадат гьабизе заманги лъикIаланго эркенлъана.   БагIарараб риидалил гьитIинаб сордо бугеб мехалда...


ХIикматал махлукъатал

КIвахIачал   КIвахIалал абун цIар лъурал хIайванал руго цIакъ хьвади хIинцал жал. Гьез кванала гъотIол тIамхал. Цаби рукIуна бащадал ва цо формаялъул. Цересел хIатIал нахъисездаса халатал руго. Рас буго чахьалдаса мугъзаде сверун бижараб. ЛъикI бихьула, махI бачине кIола, амма гIинда бакIаб...


Египеталде сапар

Египеталде сапаралъ араб Дагъистаналдаса делегация дандчӀвана Вакъфазул рахъалъ министр Усама ал-Азгьаригун. Дагъистаналъул делегациялда гъорлъ рукӀана: ДРялъул диниял суалазул ва миллияб политикаялъул министрасул заместитель ТӀагьир Сутаев, министрасул кумекчи ГӀабдулбасир Абакаров, ДРялъул...


Гъваридаб лъай

Гьале тIаде щвана цIалул заман. Киналго лъимал школаздеги, студентал цIалул идарабаздеги хьвадун байбихьула жидерго лъай цIикIкIинабизе. Исламалда лъай тIалаб гьабиялде кьола бищун цIикIкIун кIвар. Гьелде тIоритIел гьабулел аяталгун хIадисал гIемерал руго. Цересел номеразда гьелъул хIакъалъулъ...