Аслияб гьумералде

ДГИялъ кIодо гьабуна 20 сон тIубай

ДГИялъ кIодо гьабуна 20 сон тIубай

Дагъистаналъул гуманитарияб институт рагьаралдаса 20 сон тIубай кIодо гьабуна МахIачхъалаялда.

 

Гьелда гIахьаллъи гьабуна власталъул вакилзабаз, диниял ва жамгIиял хIаракатчагIаз, гIелмияб интеллигенциялъ, батIи-батIиял вузазул студентаз ва преподавателаз. Гьединго рачIун рукIана РФялъул президентасул аппараталдаса вакил ва Сириялдаса, Иорданиялдаса, Кувейталдаса, Бахрейналдаса, Узбекистаналдаса гьалбал.

Данделъаразе саламги кьун, институталъ нахъа тараб нухлулги, гьабулеб бугеб хIалтIулги бицун кIалъана ДГИялъул ректор НухIкъади БахIмудкъадиев.

 

 

 

 

 

 

ВУЗалда юбилей баркана РФялъул президентасул управлениялъул департаменталъул начальник Евгений Ерёминица.

«Гьаниб дирго беразда бихьана институталъул борхалъи. Бихьана ДГИялда, улкаялъе ритIухъал, махщел камилал специалистал хIадурулел рукIин. Гьеб буго бищун аслияб жоги», - ян абуна гьес.

Тадбиралда кIалъана ДРялъул муфтиясул гIакълучIужу ГIайна ХIамзатоваги.

«ДГИялъе кьучI лъолеб заманалда муфтияс абун букIана гIолеб гIелалъул тIабигIат берцин гьабиялдеги кIвар кьезе кколин абун. ХIакъаб жо, чиясда лъазе ккола экономикаги, лингвистикаги, филологияги ва цогидал гIелмабиги. Амма гьелдаго цадахъ гьев вукIине ккола тIабигIат-гIамал берцинавлъунги. Гьединав чи киданиги унаро квешаб нухдасан ва гьединасул вахъунаро ришватчиги. ТIабигIат-гIамал сахав инсан вукIуна улкаялъе ритIухъав унго-унгояв патриотлъун. Гьединал гIолилал куцан бажаранин абизе бегьула ДГИялда. Гьеб ишалъе кьучI лъурав мунагьал чураяв Макъсуд Садикъовасе баркала кьолеллъунги рукIине ккола нилъ. Гьес муфтиясул анищ гIумруялде бахъинабуна», - ян абун бицана ГI. ХIамзатовалъ.

 

 

 

 

 

 

АнцIгогIанасеб сон буго ДГИялъул гIелмугун лъай кьеялъул ва исламияб культураялъул фондалъулгун бухьеналда бугелдаса. Гьеб фондалъул директорасул заместитель Алексей Петровги гIахьаллъана рехсараб данделъиялда.

«Гьалгощинал соназда жаниб ДГИялъул цониги студент инчIо мекъаб нухдасан, гIахьаллъичIо экстремистазул тадбиразда ва цогидалги сурукъал ишазда. Гьелъги бихьизабулеб буго институталъул хIалтIи битIараб рахънисан унеб бугеблъи», - ян бицана А. Петровас.

ВУЗалда юбилей баркун кIалъана Татарстаналдаса, Сибиралдаса, Башкириялдаса, Москваялдаса, Санкт-Петербургалдаса, Северияб Кавказалъул республикабаздаса рачIарал гьалбалги.

 

 

 

 

 

 

2026-09-01 (РабигIул аввал 1448 с) №17.


Пашманлъи тIаса инабулеб

ТIадегIанав Аллагьас инсанияталъе гIемерал нигIматал рижун руго. Хирияб Къуръаналда хъван буго (магIна): «Гьев инсан кин валагьуларев Аллагьас ﷻ жиндие ризкъилъун кьун бугеб батIи-батIияб тIагIамалде». (Сура «ГIабаса», 24 аят).   Гьел нигIматазул цояб ккола хъабахъ....


Камиллъарав авараг

Нилъее мисаллъун ва шаригIат малъизелъун Аллагьас ﷻ витIарав чи вуго хирияв МухIаммад авараг ﷺ. ТIадегIанав Аллагьас ﷻ Къуръаналда абун буго (магIна): «Аллагьасул расуласда буго нужее, я муъминзаби, берцинаб нахърилълъин…». (Сура «ал-АхIзаб», аят 21).   Нужеца...


РабигIул аввалалъул хIурматалда

ЦӀунтӀа районалъул Гьинухъ росулъ тӀобитӀана баракатаб рабигӀул аввал моцӀ тӀаде щвеялда бан мажлис. Дунялалъул бусурбабазе гьеб моцӀ ккола хасаб рухӀияб цӀилъиялъул заманлъун. Муъминзаби мажгитазда ва рокъор данделъула Аллагьасе рецц гьабизе, Аварагасде ﷺ салават битIизе, гьесул гӀумруялъул...


Нужее баяналъе

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...


БацIцIадаб гIоралда релъараб

Как буго диналъул кьучI ва аслу. Как тарав чиясул дин биххулин абун буго хIадисалдаги. Гьелъул магIна ккола диналъул щулалъи какалда бараб букIунин.   Бусурбанчияс кIвар кьезе ккола какалде. Гьелъул кIвар бицана хIадисалъги: «Дуда лъай, ишазул бищун лъикIаб как бугеблъи...»...