Кванилъ гуребги...
Щибаб богорокъоб буго гӀадатияб, амма гӀемерал рахъазда хIалтIизабизе рес бугеб нигӀмат - цӀам. РачӀаха халгьабизин кин гьеб пайдаялъе хӀалтӀизабизе бегьулебали.
Берцинлъиялъе ва сахлъиялъе. Бокьараб нахгун (зайтуналъул, кокосалъул яги миндалалъул) хъачӀаб цӀам жубазабила, махӀ бахъине цо-кӀиго къатIра эфиралъул нахулги жубала. ХӀеренго тӀомое массаж гьабила, хадуб чурила. ЦӀамуца тӀомол хварал клеткаби рахъула, нахалъ тӀом лъалъала ва хӀерен гьабула. Унтул тӀоцебесеб гӀаламат бихьарабго, бащдаб чайдал гъуд цӀамул хинаб лъелъе бала ва багъарила. ЦӀамгӀалаб лъеца кумек гьабула щекъер унти инабизе. Кверал ва малъал цӀамул ваннабаз щула гьарула ва тIом хӀерен гьабула. Хинаб лъелъе 1-2 кIудияб гъуд цӀамул бала, багъарила ва 10-15 минуталъ кверал гъорлъ лъела.
Рокъоб ва санагӀалъиялъе. Холодильникалъуб яги шкафалъуб цӀам жанибе бараб суркIа лъела, рекӀее гӀоларел махӀал уна. ЦӀам лъикӀаб букӀуна хьитаздаса махӀ инабиялъеги щватабахъеги бан, гьел лъела хьитазда жаниб ва сордо-къоялъ тела.
ТӀагӀелал рацӀцӀад гьари. ЦӀамуца бокьараб цIарагI чуризе лъикIаб буго.
Халича цӀигьабула. ЦӀам, содагун жубан, халичаялде тӀаде бала. 15-20 минуталъ тела ва хадуб пылесос бахъила. Гьедин гьабиялъ халича гвангъизабула ва рекӀее рокьукъал махӀал инарула.
