Китаязул чамасдакI
Китаязул чамасдакI
«Унаби» абураб жо щиб кколебилан гьикъани, Азиялъул улкабазул тохтурзабаз гьеб бицуна. Гьединаб цIаралда гъоркь машгьурлъараб пихъ ккола гьеб Китаялъул ва Гьоркьехъеб Азиялъул медицинаялда. ГьелдагIан гIемерал цIаралги цогидал пихъазда ратиларо. Гьелда абула «ююба», «зизифус», «анаб», «илан жида», «жужуба» ва «унаби» абун.
«Унабиялъул» пихъ ва тIагIам цIакъго чамасдакIалда релълъараб букIиналъ гIадамазда гьеб лъала «китайский финик» абураб цIаралда гъоркьги. Гьелъулъ руго гIемерал витаминал ва минералал. Гьездасан ккола витамин А ва С, железо, медь, цинк. Гьелъулъ бугеб фосфоралъ бидулъ ругел минералал рукIалиде рачIинарула ва гьеб сабаблъун ургьимесалъул хIалтIи ва чорхол хIал лъикIлъула. Гьелъулъ ругел пищевиял волокнабаз бакьазул микрофлора лъикI гьабула.
«Унаби» хIалтIизабула хIалцен, квачалъул унтаби ва гипертония сах гьабиялъе.
Бидул тIадецуй гIодобе ккарал гIадамаз, лъимаде ругел руччабаз ва щуго сон бачIел лъималаз гьеб пихъ кваналалда цебе тохтурзабазда дандбани лъикIаб буго.
Камил МухIаммадов
