Къуръан: суалал ва жавабал
Къуръаналъул хIакъалъулъ нилъеда щиб лъалеб? Кида ва кинал лъугьа-бахъиназда гьеб рещтIараб? Кинал бутIабаздасан гIуцIун бугеб Къуръан ва Аллагьасул махлукъатазул кинаб гьениб рехсараб? Гьел ва цогидал суалазе жавабал ратила нужеда гьаниб гъоркьехун.
- Лъица рещтIинабураб Къуръан?
ТIадегIанав Аллагьас ﷻ.
- Лъиде рещтIараб Къуръан?
Аллагьасул ﷻ ахирисев авараг МухIаммадиде ﷺ.
- Лъидалъун гьеб рещтIараб МухIаммадихъе?
ЖабрагIил малаик гьоркьов ккун, бищун гъоркьияб зодиса.
- Щиб сордоялъ гьеб гъоркьияб зодибе рещтIараб?
Рамазан моцIалъул Лайлатул къадриялъул сордоялъ.
- ТIоцебе киб рещтIине байбихьараб Къуръан МухIаммадихъе ﷺ?
Маккаялда аскIоб бугеб ХIираъ абураб нохъода.
- ТIоцебесеб аят рещтIараб мехалъ чан сон букIараб МухIаммад аварагасул ﷺ?
40 сон.
- Чан соналъ рещтIараб Къуръан?
23 соналъ.
- Маккаялда вукIаго чан соналъ рещтIараб Аварагасухъе ﷺ Къуръан?
13 соналъ.
- Мадинаялда чан соналъ рещтIараб Къуръан Аварагасухъе?
10 соналъ.
- Аварагасул ﷺ асхIабзабазул щив вукIарав Къуръан хъвалев чилъун?
Абу-Бакар, ГIусман, ГIали, Зайд ибну ХIарис, ГIабдуллагь ибну МасгIуд.
- Лъил амруялдалъун Къуръан хъвазе байбихьараб?
Абу-Бакар асхIабасул амруялдалъун.
- Лъил пикруялдалъун Абу-Бакар-асхIабас Къуръан данде гьабизе байбихьараб?
ГIумар асхIабасул малъа-хъваялдалъун.
- Чан асхIабас гIахьаллъи гьабураб цо тIехь хIисабалда Къуръан данде гьабизе?
75 асхIабас.
- ГIусман-асхIабасул заманалда хъварал Къуръаназул чан нахъе хутIун бугеб?
КIигояб. Цояб буго Ташкенталда, цогидаб - Стамбулалда.
- Чан сура бугеб Къуръаналда?
114 сура.
- Маккаялда чан сура рещтIараб Аварагасухъе ﷺ?
86 сура.
- Мадинаялда?
28 сура.
- ТIоцебесеб сура щиб?
Суратул «ФатихIа» буго (АлхIам).
- Ахирисеб?
Сурату «ан-Нас» (КъулагIузуби рабби ннас).
- Къуръаналъул ракI абун кинаб сураялда абулеб?
«Ясин» сураялда.
- Бищун халатаб сура кинаб кколеб?
Суратул «Бакъарат», гьелъул буго 286 аят.
- Бищун къокъаб?
«Кавсар» сура, 3 аят.
- Чан жуз бугеб Къуръаналда?
30 жуз.
- Чан аят бугеб?
6236 аят буго.
- Чан аят бугеб жиб цIалун хадуб сужда гьабизе кколеб?
14 аят.
- Щиб сура Бисмиллагьалдалъун байбихьулареб?
«Тавбат» сура.
- Кинаб сураялъулъ «Бисмиллагь» кIиго нухалъ такрарлъулеб?
«Ан-Намли» абураб сураялъулъ, 1 ва 30 аятазулъ.
- ДугIа хIисабалда БетIергьанас ﷻ бихьизабураб сура кинаб кколеб?
Суратул «ФатихIа».
- Аллагьасул ﷻ чан цIар рехсон бугеб Къуръаналда?
99.
- Чан малаикасул цIар рехсон бугеб?
5 малаикасул: ЖабрагIил, МикагIил, Гьарут, Марут, Малик.
- Кина-кинал аварагзабазул цIарал рехсон ругел?
25 аварагасул цIар рехсон буго: Адам, Идрис, НухI, Гьуд, СалихI, ЛутI, Ибрагьим, ИсмагIил, ИсхIакъ, ЯгIкъуб, Юсуф, ШугIайб, Гьарун, Муса, Давуд, Сулайман, Аюб, Зулкифли, Юнус, Ильяс, АлясагI, Закария, ЯхIя, ГIиса ва МухIаммад (жидеда Аллагьасул ﷻ свалат-салам лъеял).
- Бищун гIемер цIар рехсарав авараг щив?
Муса авараг, 136 нухалда рехсон буго гьесул цIар.
- Аварагзабазул цIараздалъун чан сура рехсон бугеб?
6 сура: «Юнус», «Гьуд», «Юсуф», «Ибрагьим», «НухI», «МухIаммад» сураби.
- Щий чIужугIаданалъул цIар рехсон бугеб?
ГIиса аварагасул эбел Марямил цIар.
- Щив асхIабасул цIар рехсон бугеб?
Зайд ибну ХIарисил.
- Къуръан гуреб, цоги кинал цIарал абулеб Къуръаналда?
Ал-Фуркъан, Ал-Китаб, Аз-Зикр, Ан-Нур, Ал-Гьуда абурал цIарал.
- Чанабилеб соналъ лъурал Къуръаналда игIрабал?
Гьижрияб тарихалъул 43 соналъ.
- Къуръаналда бищун хирияб аят кинаб кколеб?
Аятул «Курси». Гьеб ккола «Бакъарат» сураялъул 255 аят.
- Кинаб шартIги цIунун хъвазе бегьулеб Къуръаналда?
Какиеги чурун.
- Къуръан цIунизе лъица тIаде босараб?
ТIадегIанав Аллагьас ﷻ.
