ТахIияталъул къиса
ТахIияталъул къиса
«АттахIияту» цIалиялъул кинаб хурхен бугеб Авараг ﷺ МигIражалде
вачиналда?
Салат салам лъеяв Аллагьасул Расул ﷺ Сидратул Мунтагьаги тун тIадехун араб мехалъ МигIражалъул сордоялъ гIажаибал хассал нураниял накIкIазулъе тIерхьана. Жабраил (гIалайгьи салам) гьенив чIана цадахъ вилъаян абидал гьес цо гали тIадехун босана, гьеб мехалъ Аллгьасул ТIадегIанлъиялъул нураз вухIизехъин вукIана. ГьитIинлъун хIинчIгIадин лъугьана малаик. Гьединлъидал гьенив чIезе ккана.
Аллагьасде гIагарлъулеб макъамалде щвараб мехалъ дуца Аллагьасе салам кьеян Аллагьасе рецц гьабеян абуна. Аварагас ﷺ абуна: «АттахIиятул мубаракату ссалавату тIтIайибату лиллагь» абун, – ай киналго кIодолъаби, тIадегIанлъаби, лъикIалщинал реццарал, гIибадатал ТIадегIанав Аллагьасе ругилан.
Гьеб мехалъ, ТIадегIанав Аллагьас гьесие салам кьуна Ассаламу гIалайка аююгьа Ннабиюю ва рахIматуЛлагьи ва баракатугь – дуе салам буго ле гьав Авараг ﷺ Аллагьасул рахIматги буго ва Гьесул баракатги буго дуде – абун.
Аварагасе ﷺ гьеб Салам лъикIавщинав чиясеги щвезе бокьана ва абуна: «Ассаламу гIалайна ва гIала гIибадиЛлагьи ссалихIин» - абун (Аллагьасул салам нижедаги лъейги Аллагьасул лъикIалщинал лагъзадеридаги лъеги) – абун. Гьебмехалъ киналго зобалазул агьлуялъ (малаикзабаз) шагьадат битIана «Ашгьаду ан ла илагьа иллаЛлагь ва ашгьаду анна МухIммада-ррасулуллагь» абун. Аллагьас жив тIалаб гьавурав вукIиналъ Аварагасе ﷺ хасаб къуват кьуна Жабраил малаикасдаги, ТIурай Сайнаъалда Мусадаги хIехьезе кIвечIеб жо хIехьезе.
(«ШархIул мафруз»).
