Бисмиллагь бахъи
«Бисмиллагь» абураб аятги босун ЖабрагIил малаик аварагасухъе щведал, свалат-салам лъеяс гьикъун буго: «Я ЖабрагIил, жакъа мун разиго вуго, щиб дуе ккараб?» - ян. Гьес абун буго, духъе гьаб аят бачIиналдалъун вохун вугилан.
«Бисмиллагь» абураб аятги босун ЖабрагIил малаик аварагасухъе щведал, свалат-салам лъеяс гьикъун буго: «Я ЖабрагIил, жакъа мун разиго вуго, щиб дуе ккараб?» - ян. Гьес абун буго, духъе гьаб аят бачIиналдалъун вохун вугилан.
Хадубги ЖабрагIил малаикас бицун буго: «Жакъа гьаб аятги босун дун духъе вачIиналъул рохел ккола, Аллагьас жужахIалъул малаикзабазда абуна, щив чи ватаниги гьаб аят цIаларав, гьесие жужахIалъул цIа гьечIин, ай цIунарав вугин ва малаикзабазги абуна жал нугIзал, ай мукIурал ругин абун. Цинги гьаб калам кьурабазда, гохIал-щобазда рагIана, гьелги рохун гьаргьадана гьаб аят духъе ва умматалъухъе рещтIиналдалъун».
Гьаб кколарищ нилъее кIудияб рохел ва талихI. Амма гьелъул гьабулеб къимат нилъер мукъсанаб буго.
Свалат-салам лъеясул хIадисалда буго: «Щив чи ватаниги жиндие баракатаб, талихIаб гIумру букIине ва шагьидлъиялъул хвел щвезе бокьун, гьес байбихье кинабго гьабулеб жо Бисмиллагь бахъун гьабизе», - ян.
Амма кидаха нилъеда ракIалде щолеб гьеб бахъизе? Бахъулищ кваналеб мехалда, ретIел ретIулаго, машинаялде рахунаго ва цогидал ишал гьарулаго. Бахъулеб батичIони, тавбуги гьабун, гIицIав Аллагьасе гIолойин абун нияталда, байбихьизе ккола жакъаялдаса нахъе бахъизе.
Ибн МасгIудица бицун буго, свалат-салам лъеяв Аварагас абулеб рагIанин: «ЖужахIалъул анцIила ичIавго малаикасул гIазабалдаса хвасарлъизе, ай цIунизе бокьарав чи ватани, гьединас тIадчIей гьабе Биссмиллагь бахъиялда. Щайин абуни, щибаб хIарп Аллагьас хъалхъанлъун (щитлъун) гьабун буго инсанасе», - ян.
