Къуръаналъул хIикмат
Къуръаналъул хIикмат
Гьаб заманалда гурони гIалимзабазул гIакълу хадуб гъечIо 1400 соналъ цереккун рещтIарал Къуръаналъул гIемерал аятазда жанир ругел хIикматал баян гьаризе.
Къуръаналъул хIикма-таздасан буго гьеб художествияб гIуцIиялъул рахъалъанги жинда релълъараб гьечIеблъи. Хирияб Къуръаналда жаниб цониги бакIалда гьечIо дандеккунгутIи. Амма гьеб буго сонал анагIан гIалимзабазе жинда жаниб жавабал ратулеб гъамаслъун.
Аллагьас ﷻ Къуръаналда абулеб буго: «Дица гьаб Къуръан цIакъ бигьаяблъун гьабун буго жиб цIализе ва жиндаса гIакълу босизе», - ян (суратул Къамар, 22 аят).
ЦIализеги лъазабизеги бигьаяблъун бугониги, Къуръан аскIобе къанцин релълъараб гьечIо литературиял цогидал асаразда. Лингвистазги филологазги чIезабун буго гьениб хъваралда релълъараб цо предложенияцин инсанасда гIуцIизе кIунгутIи. Гьебги ккола Къуръаналъул хIикмат.
ХIисаб гьабеха, ракьалда ругелщинал миллиардал гIадамазул цонигиясда хIалкIоларо Къуръаналъул аяталда релълъараб цо предложенияцин гIуцIизе.
Гьелдаса кIудияб хIикмалъи щиб букIинеб!?
