Нужее баяналъе

Къуръан-хIадисалда рехсей гьабурал цо-цо малаикзабазул бицен:

Жибрил - жив Аллагьасул вахIюялда божилъи гьабун тIад тарав малаик.

МикагIил - жив гIаламалъул ризкъабазда тIад тарав малаик.

Исрапил - Аллагьас жинда сур пуйзе тIадкъарав малаик.

ГIизраил (Малакулмавт) - жив Аллагьас рухIал рахъизе тарав малаик.

Гьал ункъалго ккола малаикзабазул бутIрул, ай бищун чIахIиял малаикзаби (Аллагьасул салам лъеги гьезда).

Мункар-Накир - хабалъ лагъасе суалал кьезе тарал малаикзаби.

Ракъибгун ГIатIид - щивав чиясда цадахъ рукIунел, лъикIалги квешалги гIамалал хъвазе тарал малаикзаби. Цо-цоязда ккола Ракъиб кваранаб рахъалда ва ГIатIид квегIаб рахъалда ругел малаикзаби кколилан. Гьеб гьедин гьечIо, кIиязулго щивасда абула Ракъиб-ГIатIид абун («ФатгIу гIалам» 141).

Малик - жужахIалда тIад тарав малаик.

Ризван - алжаналда тIад тарав малаик.

Забаниятал - ахираталда жужахIалда гIазаб кьезе тарал малаикзаби.

Хазанатул жаннат - алжанал цIунизе тарал малаикзаби.

ХIамалатул гIарши - ГIарш баччулел малаикзаби.

Гьал гурелги анкьалго зобал-ракьал цIурал малаикзаби руго жидер гIададги, гьунаралги, хIакъикъатги Аллагь гуресда лъаларел. Руго тIасиябги гъоркьиябги кинабго гIаламалъул тадбир гьабизе тарал малаикзаби.

Руго ГIарш сверун гIибадат гьабулел малаикзабиги.

Руго къойилго Байтул МагIмуралдеги рачIун, Аллагьасе гIибадат гьабун, нахъе унел малаикзабиги.

ТIадегIанав Аллагьас малаикзаби рижичIо кинабгIаги гьезде хIажалъи ккун, гьел рижана халкъалда Жиндирго кIодолъиги, хIалкIолъиги, хIикматги загьир гьабизе.

ХIабиб МухIаммадов

2026-09-15 (РабигIул ахир 1448 с.) №18.

Нилъер хъизам букIине ккола сахлъи бугеб щулияб жамгIияб гIуцIилъун. Рокъоб гIадлу гьечIони, хъизан-лъималаз гIумру гьабизе гьечIо исламалда рекъон, бажаризе гьечIо гьел лъикIал бусурбабилъун лъугьинарун. Аслияб масъала буго Аварагасул ﷺ уммат гьоркьоса къотIичIого цIикIкIунеб хIал...

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...

Инсанас ретIулеб ретIелги берцинлъиялъе хIалтIизе гьарулел жалги хIалалал рукIуна, гIаммаб куцалда босани. Кинниги гьезда гъорлъ руго хIалтIизаризеги ва гьездалъун къачIадизеги бегьуларел жалги. Гьел киналго хIалтIизаризе бегьулел жал руго Аллагьас нилъее дунялалда ругебгIан заманалъ...

Лъимер гьабизе йигеб заман буго цIакъ кIвар бугеб гIуж. Гьеб заманалда, хасго чIужугIаданалъ, жиндирго сахлъи ва рацIцIалъи, кванил ва цогидалъулги низам цIунизе ккола. Гьединго халкквезе ккола тIад ретIунеб ратIлида хадубги. Лъимер ва жийго квачалдаса цIунизе ккола, тIадкъараб ретIел, угъдул...

Нужее баяналъе