Аслияб гьумералде

Телефоназул унти

Телефоназул унти

Жиндир хIакъалъулъ гIемер бицунеб унти ккола телефоназда нилъ рараллъун рукIин.

 

Нилъер лъималги цIакъго унтун руго гьеб унтиялъ. Гьединаб унти букIин загьирлъула:

  1. Смартфоналдаса ри-кӀкӀад ругеб мехалда яги гьеб кIочон хутIани ургъалабазулъе ккей.
  2. Телефоналде гIемер халгьаби. Цо-цояз телефон къойида жаниб 300 нухалъцин кодобе босулеб буго.
  3. Смартфон хӀал-тӀизабулеб мехалда тали-хӀалъул асар лъугьин.
  4. Гьединазул гъира букӀуна жалго жидедаго чIезе ва гӀемерисеб мехалда кӀвар кьечӀого тола хъизам. Виртуалиял гьудулзабазулгун никъит гьаби ва социалиял гьиназда хъварал макъалабазухъ халгьаби тIаса бищула чIагояб гара-чIвариялдаса.
  5. Гьел цӀакъ ругьунлъун рукӀуна жидерго смартфоналде. Кваналеб столалда нахъа, жамгӀияб транспорталда рекIун рукIаго гьелда жаниб бугеб жоялъухъ ралагьула, цо-цояз гьеб цадахъ хӀамамалдецин босула.

Бокьараб телефон Аллагьас нилъер хIал бихьизе кьураб нигIмат буго. БитIун хIалтIизабуни, Гьесул разилъиялде рачунеб, мунагь кколеб жо гьабуни - Аллагьасул ццим бахъинги тIаде цIалеб.

«Дица я жундул, я гIадамал рижун гьечIо Дие гӀибадат гьабизе гурони», - ян абун буго БетIергьанас «аз-Зарият» сураялъул 56 аяталда. Тавпикъ кьеги Аллагьас нилъее батIулаб рехун тун, хIакъалда рахърилълъине ва щивасул кисиниб бугеб телефон, иблисалъул гудур гIадин гуреб, Аллагьасде гIагарлъиялъе сабаб хIисабалда хIалтIизабизе квербакъаги. Амин.

 

Хадижат Хизриева

2026-10-01 (РабигIул ахир 1448 с.) №19.


Бекилалде бухьине ккола бетIер

ХIурматиял бусурбаби, лъимал руго нилъехъе Аллагьас кьураб аманат. Нилъеца гьезие кьезе ккола битIараб, лъикIаб тарбия. Гьединго нилъеда тIадаб буго гIун бачIунеб гIелалъе исламияб лъай кьезеги. Гьелъие гьаб заманалда цIакъ гIатIидал ресалги руго. Щибаб мажгиталда руго лъималазда Къуръан ва...


Муфти дандчIвана Жиддаялда вукIарав консулгун

Дагъистаналъул муфти, шайих АхIмад-афанди дандчIвана Жидда шагьаралда бугеб Россиялъул генералияв консуллъун хIалтIарав Багьавудин ГIалиевгун. Багьавудиница АхIмад-афандида баркана гьавураб къо ва гьарана лъикIабщинаб. Гьединго гьез бицана жакъа дандчIвалел ругел захIмалъабазул, гьел тIуразе...


Къулгьу...

«Ал-Ихлас» сура гIуцIун буго ункъо къокъаб аяталдаса, амма Аллагьасул Расулас ﷺ бицана гьелъул кIудияб мустахIикълъиялъул: «Къул гьува Ллагьу ахIад» Къуръаналъул лъабабилеб бутIаялда бащалъула», - ян. (Муслим)   Байбихьуда гIажаиблъизе рес буго, бищун къокъал...


Сапаралда кинав вукIарав Авараг ﷺ?

(Байбихьи цебесеб номералда)   АсхIабзабазул ургъел ва кумек   Сапаралде вахъаралъув Авараг ﷺ вукIана цевехъанлъун гуревги, жинда божилъи гьабулев гьалмагълъунги. Гьев кидаго вукIунаан аскаралда яги къапилаялда нахъа-нахъа, хадур ккаразе, загIипазе, унтаразе кумек гьабизелъун. Гьелъие...


Муса аварагасул гIанса Дагъистаналда

МахӀачхъалаялъул аслияб мажгиталда муъминзабазе рес щвана Муса аварагасул гIансаялъул кесек бихьизе. Гьеб асар цIунун буго Грециялъул Андрос чӀинкӀиллъиялда бугеб Никольскиясул монастиралда.   Гьеб асар Грециялдаса Кавказалде босизе кумек гьабуна Северияб Кавказалъул федералияб округалда вугев...