Аслияб гьумералде

РахIатал къояз къваридал лахIзатал кIочонге

РахIатал къояз къваридал лахIзатал кIочонге

КIудияб ВатIанияб рагъда Бергьенлъи босаралдаса ана 76 сон. Гьелъул гIахьалчагIи цIакъго дагьал гурони чIагоги гьечIо.

Гьездаго цадахъ гьелъул захIматал къоял ракIалде щвейги цебеса унеб буго. Жакъасеб ракълил къимат лъазе ккани гьеб балагьулаго бихьараб захIматги лъазе ккола. Рагъда ругел солдатазе гуребги гIадатиял гIадамазеги букIана кIудияб къварилъи.

Хасго рагъ щвараб бакIалда кинабго бихха-хочун рукIалиде ккезабизеги саламатаб замана бана. КIудиял камиял ккаралъулха. Гьелде тIаде ракъиялъги букIана хIал гьабулеб.

ГьабсагIат Россиялда машгьураб рагIи буго Ленинградалъул «Блокадаялъул чед» абураб. Ленинград сверун ккуна 1941 соналъул 8-абилеб ноябралда ва тIубанго эркен гьабизе кIвана 1944 соналъул 27-абилеб январалда.

872 къоялъ сверун ккун чIезабун букIана гьеб. Рагъ байбихьилалде гьенив вукIана лъабго миллион чи. Гьеб лъугIун хадув хутIана 557 азарго чи. ГIемерисел хвана ракъун. Гьениб машгьураб чедалъул 500 грамм кьолеб букIана сордо-къоялъе рагъухъабазе, цехалъул хIалтIухъабазе - 375 грамм, захIматалъул хIалтIухъабазе - 250 грамм, гIадатиял гIадамазе ва лъималазе - 125 грамм.

Блокадаялъулаб чедалъул гIуцIиги букIана гьадинаб: пищевияб целлюлоза – 10 %, жмых – 10 %, обоялъул хIур – 2 %, ханждал хъапал кIутIараб хIур – 2 %, хвоя – 1 %, чIахIа-махIаго ххенараб пурчIинадул ханжу – 75 %.

ГъотIол хъалалъул гьабун ханжу ва цогидалги гьединал жал журанги гьабизе кколеб букIун буго чед. Гьебги хасаб карточкаялъухъ гурони щолебги букIинчIо.

Чед гьабизе рес гьечIеб заманалда жибго ханжу кьолеб букIана гIадамазе. КIиго сордо-къоги балаан гьеб щвезе иргаялда чIун. Балагьеха жакъа бугеб хIалалдеги. Нилъер рощнол къалал чадил цIун руго. Хасго гIолохъанаб гIелалда гьелъул къимат лъалеб гьечIо.

Гьеб буго кутакалда хIинкъараб иш. Бокьараб заманалда нилъедеги рачIине рес буго гьелдасаги кIудиял балагьал. Гьел рачIиналъе сабабги чед инжит гьаби, нигIмат исрап гьаби ккезе рес буго.

Аллагьас тавпикъ кьеги нигIматазе щукру гьабизе! Амин!

ГIАБДУЛЛАГЬ МУХIАММАДОВ

2026-09-01 (РабигIул аввал 1448 с) №17.


Суал-жаваб

Насвай хIалтIизабун хадуб кIалги ххуличIого ялъуни гьебги чвантиниб лъун бараб как рикIкIунищ? Лъалеб жо буго хъалияналъги, насваялъги ва гьелда релълъарал цогидал жалазги чорхое зарал гьабулеблъи. Гьел жал хIалтIизариги шаригIаталда мунагьлъун рикIкIуна. Пуланав чи ватани гьединал жалаздаса...


Нужее баяналъе

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...


Пашманлъи тIаса инабулеб

ТIадегIанав Аллагьас инсанияталъе гIемерал нигIматал рижун руго. Хирияб Къуръаналда хъван буго (магIна): «Гьев инсан кин валагьуларев Аллагьас ﷻ жиндие ризкъилъун кьун бугеб батIи-батIияб тIагIамалде». (Сура «ГIабаса», 24 аят).   Гьел нигIматазул цояб ккола хъабахъ....


Минскалда тIобитIана халкъазда гьоркьосеб форум

Беларусь Республикаялъул тахшагьар Минскалда тӀобитӀана «Механизмы укрепления межкультурного взаимодействия и духовно-нравственных ценностей на международной арене» абураб цIаралда гъоркь халкъазда гьоркьосеб форум. Исламияб маданияталъул, гӀелмуялъул ва лъай кьеялъул фондалъул...


РабигIул аввалалъул хIурматалда

ЦӀунтӀа районалъул Гьинухъ росулъ тӀобитӀана баракатаб рабигӀул аввал моцӀ тӀаде щвеялда бан мажлис. Дунялалъул бусурбабазе гьеб моцӀ ккола хасаб рухӀияб цӀилъиялъул заманлъун. Муъминзаби мажгитазда ва рокъор данделъула Аллагьасе рецц гьабизе, Аварагасде ﷺ салават битIизе, гьесул гӀумруялъул...