Аслияб гьумералде

Ахират лъикIаб кьун батаги

Загьират ГIалиева

Ахират лъикIаб кьун батаги

ЗахIматаб, халат бахъараб унтудалъун гIумруялдаса ятIалъана ЛъаратIа районалъул Начада росулъа мугIалим ГIалиева Загьират.

Гьей гьаюна 1955 соналда, рагъул гIахьалчи, гIемерал соназ росдал школалда тарбиячилъун хIалтIарав ГIалиев Ражабил хъизамалда. Начада, Мазада росабазул школазда цIалана, лъугIизабуна Буйнакскиялъул педучилище. ХIалтIизе ракIалъ ахIана гIагараб росдал школалде.

ГIалиевалъул тIолабго гIумру бухьараб букIана гIун бачIунеб гIелалъе лъайгун тарбия кьеялда, гьел инсан ва захIмат бокьулеллъун куцаялда. РакIбацIцIадаб хIалтIудалъунги, ишалдехун бугеб рокьудалъунги, лъай-бажариялдалъунги гьей йикIана лъималазеги, гьезул эбел-инсуеги, коллективалъеги хIурматияйлъун.

Загьират мустахIикълъана районалъул лъай кьеялъул управлениялъул нухмалъулезул Баркалаялъе ва шапакъатазе. Хасаб бажари букIана ГIалиевалъул гIуцIарухъанлъиялъе ва жамгIиял хIалтIабазе. Гьей йикIана лъикIай насихIатчIужулъун, ятулаан къварилъигIатIилъи ккаралъуй.

КьучI бугеллъун, дурусаллъун гIезаризе кIвана гьелда жиндирго лъималги. ГIумруялъул гьудул ГIабдуразакъов ГIабдуразакъгун цадахъ гIадамалъе рахъинаруна Мурадги Каримги, Капиятги, Рашидатги, ПатIиматги. Киназго босана тIадегIанаб лъай. Эбел-инсулго гIадаб хIурмат-хъатиралда руго жиде-жидер хIалтIабазда. Загьират кидаго кIоченаро гьелъул рикIкIен гIемерал цIалдохъабаздаги, гIагарлъиялдаги, коллективалдаги, росужамагIаталдаги. Алжаналъул агьлулъун гьаюн ятаги.

ГIАГАРЛЪИ, ШКОЛАЛЪУЛ КОЛЛЕКТИВ, РОСДАЛ ЖАМАГIАТ.

2026-09-15 (РабигIул ахир 1448 с.) №18.


Бусурбабазул тарихчи ва географ

ГIизудин ибну Шаддад ХӀалаби гьавуна Сириялъул ХIалеппоялда бугеб ХӀалаб шагьаралда, 1217 соналъул лъабабилеб зулхӀижа моцIалъ, гьижрияб 613 соналда. Тарихалъул ва географиялъул рахъалъ жиндирго хIалтIабазул кумекалдалъун ибну Шаддад вахъана жиндир гIасруялъул машгьурал тарихчагӀазул...


Сапаралда кинав вукIарав Авараг ﷺ?

Сапар буго инсанасул гIумруялъул цо бутIа. Муъминзабазе гьеб ккола Аварагасдаса ﷺ мисал босун ТIадегIанав БетIергьанасде ﷻ гIагарлъизе рес щвейги. Нилъер Аварагас ﷺ нухда кинаб хьвада-чIвади букIине кколебали малъа-хъваял гьари гуребги, жиндирго мисалалдалъунги бихьизабуна сапаралда ругелъул...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...


Щай рахъунел?

Мавлид ахIулеб заманалда бусурбабазда гьоркьоб машгьураб гIадат буго, МухIаммад авараг ﷺ гьавураб лахIзаталъул ахIулелъул, киналго тIаде рахъунеб. Гьебги гьабула Аллагьасул Расул вокьиялъул, рохелалъул, гьесие гьабулеб адаб-хIурматалъул гIаламат хIисабалда.   Гьеб гIадат къабул гьабурал...


ГIибадат гьабизе рес

ХIурматиял бусурбаби, гьале тIаде щвана хаслихълъиялъул къоял. БагIарараб рииги тIаса ун, гьогьомиялъ кверщел гьабуна ракьалда. Гьайгьай, сордоги кIодолъана, къоги саламатго гьитIинлъана. ГIибадат гьабизе заманги лъикIаланго эркенлъана.   БагIарараб риидалил гьитIинаб сордо бугеб мехалда...