«Ас-саламалъул» вакилзабазе баркала
«Ас-саламалъул» вакилзабазе баркала
ХIурматиял «Ас-салам» казият цIалулел, бусурбаби, магIарулал. Нилъеда лъала ватIан-рукъги тун гIемерисел гIадамал уна лъикIаб магIишаталда хадур, бигьаяб ва рахIатаб гIумру балагьун.
Гьаб бакIалда рехсезе бокьун буго гьедин рукъ-ватIанги тун, «Ас-салам» казият тIибитIизабизе, бусурбабазухъе хIакъаб рагIи щвезабиялъул мурадалда Россиялъул бакI-бакIазде арал гIолохъабазул хIакъалъулъ.
ХIакъикъаталдаги лъикIаланго квачарал регионазда гIаздакьги цIорокьги хьвадун гьел гIолохъабаз Россиялъул халкъалъухъе щвезабулеб буго хIакъаб рагIи жаниб бугеб «Ас-салам». Нужеда кколеб батила гьеб цохIо бусурбабаз гурони цIалуларин абун. Узухъда, гьеб пикру битIараб гьечIолъи баянлъула гьал гIолохъабазул хабаралъухъ гIинтIамидал. Жеги исламалде рачIинчIел гIадамаз кутакалда къиматалда цIалулеб бугин нилъер казиятин бицана гьез. Гьал къоязда гьел тIадруссана Дагъистаналде. Гьанирги гьел унел руго мугIрузул районазде, бачIунеб соналъе подписка гьабиялъе кумек гьабизе.
Редакциялъул хIалтIухъабаз казият къватIибе биччаниги, гIадамазухъе гьеб щвезабиялъул хIалтIи кутакалда захIматаб буго. Гьединлъидал, бокьун буго «Ас-саламалъул» редакциялъул ва казият цIалулезул рахъалдаса киназего баркала загьир гьабизе!
