ГIадамазул хIажатал тIуралев
ГIадамазул хIажатал тIуралев
ХIурматияб «Ас-салам». Мун цIалуларев чи къанагIатги ватиларо Дагъистаналда. Гьединлъидал, бокьун буго цо лъикIав чиясул хIакъалъулъ газеталдасан бицине.
Гьаб сураталда вихьулев чи ккола ЛъаратIа районалъул Гъараколоб росулъа Юсупов Сайидил вас Набиюла. Гьев вуго гIадамазулгун хIал рекъезабизе лъалев, лъилго къваригIел тIубалев, тIаде рачIарал рази гьарулев инсан.
Армиялда хъулухъ гьабун хадуб цIализе лъугьана МахIачхъалаялда бугеб цаби-гIусал къачIалеб «Каиб» абураб идараялде. Гьебги лъугIизабун хIалтIана Россиялъул батIи-батIиял шагьаразда цаби-гIусал къачIалев техниклъун. ГIезегIан соназ гьенивги хIалтIун тIадвуссана гIагараб районалде. ГьабсагIаталда хIалтIулев вуго райполиклиникаялда фельдшерлъун. Амма гьес рехун тун гьечIо кIиабилеб махщелги. Гьев кидаго хIадурго вукIуна хIажатазе кумекалъе.
Гьесухъе гIемерав чиги вачIуна. Гьесие нижеца гьарула лъикIабщинаб.
