Аслияб гьумералде

Конкурс тIобитIана

Конкурс тIобитIана

Новолак районалъул ЦIияб МелъелтIа росулъ цIалдохъабазда ва гIисинал лъималазда гьоркьоб тIобитIана «Ас-салам» газеталъул «Суал-жаваб» рубрикаялда тIасан конкурс.

Гьелъул аслияб мурадги букIана:

  1. РекIехъе суал ва жаваб цIали.
  2. БитIун ва берцинго калам цIали.
  3. Лайказул къадар цIикIкIин.
  4. ШаргIалда рекъараб къагIидаялъ ретIа-къай.

Конкурсалда гIахьаллъи гьабуна 28 цIалдохъанас. Конкурсалъул ккана гьадинал хIасилал: тIоцебесеб бакIалъе мустахIикълъана УхIумагIалиева Набила. КIиабилеб бакI ккуна АсхIабов МухIаммадица ва лъабабилеб бакIалъе мустахIикълъана Исубилаев АхIмад.

Гьединго лъикIал хIасилал рихьизаруна ТIалхIатова Наилаца, АхIмадова ГIайишатица ва Шамхалова Зайнабица. Гьезиеги кьуна ракIалде щвеялъулаб сайгъат, Аллагьасул калам - Къуръан.

Конкурсалда гIахьаллъараб цониги лъимер хутIичIо ракIалде щвеялъулаб сайгъат щвечIеб. КIалъазе рахъараз бицана «Ас-салам» газеталъул хиралъиялъул, гьелъул пайдаялъул. Гьелдаса хадуб росдал имам ГIабдурашид ХIажиевас гьабуна вагIза-насихIат ва лъимазе бицана эбел-инсул, кӀудиязул адаб гьабизе ккеялъул хIакъалъулъ.

2026-09-15 (РабигIул ахир 1448 с.) №18.


КIудиял мунагьал

МацIихъанлъи гьаби ккола цо чияс абураб жо цогидасда бицин, гьелъ жинда бицарав чиясул жиндаса бицарав чиясдехун дагьабниги рокьукълъи, ракIхвей бижизабулеб бугони. Къуръаналда мацIихъан какун вуго. ХIадисалдаги буго мацIихъан Алжаналде лъугьинарин абун.   Гьел ккола Аллагьасул бищун ццим...


ГIибадат гьабизе рес

ХIурматиял бусурбаби, гьале тIаде щвана хаслихълъиялъул къоял. БагIарараб рииги тIаса ун, гьогьомиялъ кверщел гьабуна ракьалда. Гьайгьай, сордоги кIодолъана, къоги саламатго гьитIинлъана. ГIибадат гьабизе заманги лъикIаланго эркенлъана.   БагIарараб риидалил гьитIинаб сордо бугеб мехалда...


Тохав чиясул нух

Абу-Гьурайратидасан Бухарияс бицараб хIадисалда аварагас ﷺ абулеб буго: «Аллагьас ﷻ абуна, щив чи вугониги дир валиясе зарал гьабун (жинца гьев тушманлъун ккун, гьесда ццим бахъун), дица гьев чиясда рагъ лъазабула», - ян. Жинда Аллагь ﷻ гурхIаяв Факигьанияс абуна: «Щив чи вугониги...


Авараг ﷺ лъай – гьев вокьи

Аллагьасул Аварагасде ﷺ бугеб рокьиялъ гьесул асхIабзабазул ракIазулъ хасаб бакI кколаан. Гьеб рокьи гьез загьир гьабулаан рагIудалъун ва пишабаздалъун гуребги Аварагасул ﷺ къадру цIунулел, гьесул лъикIлъаби рицунел, гьесул тIокIаб гIамал-хасият беццулел шигIрабаздалъунги.   АсхIабзабазда...


ОРВИялде данде

Щибаб санайил дунял квачазе байбихьидал, цIикIкIуна вирусалъулаб инфекциялъ (ОРВИ) унтаразул къадар. Хасго гIадамал унтула хаслихълъиялдаса бахъараб ихдалил байбихьуде щвезегIан. Гьединлъидал гьеб заманалда жаниб кIвар бугеб жо ккола унтул аслиял гIаламатал лъай.   ОРВИ ккола батIи-батIиял...