Аслияб гьумералде

Миллатазда ва диназда гьоркьосел бухьенал

Миллатазда ва диназда гьоркьосел бухьенал

МахIачхъалаялда, Гьудуллъиялъул минаялъуб, регионалъул нухмалъулев Сергей Меликовасул нухмалъиялда гъоркь тIобитIана Дагъистан республикаялъул бетIерасда цебе гIуцIараб Миллатазда ва диназда гьоркьосел бухьеназул рахъалъ советалъул гIатIидаб данделъи.

Данделъиялъул аслияб тема букIана гIун бачIунеб гIелалъе тарбия кьеялъулъ, экстремизмалъул профилактика гьабиялъулъ, террористияб идеологиялде дандечIеялъулъ хIукуматалъул идарабазулгун республикаялда ругел жамгIиял ва диниял гIуцIабазул гьоркьоблъи абураб.

Мажлисалда гIахьаллъана Дагъистаналъул муфти, шайих АхIмад-афанди, РФялъул президентасда цебе бугеб департаменталъул управлениялъул начальник Евгений Еремин, Россиялъул тIадегIанав муфти ТIалхIат Тажудин, Москваялъул соборалъулаб мажгиталъул бетIерав имам Илдар ГIаляудинов, Ставрополалъул ва Невинномысскалъул митрополит Кирилл, Чачан республикаялъул, Шималияб Осетия-Аланиялъул, Кабардино-Балкариялъул, Гъарачай-Черкесиялъул, Ставрополалъул, Краснодаралъул, Калмыкиялъул, Астраханалъул ва Волгоградалъул муфтиял.

Данделъиялда гIахьалчагIаз гьоркьоб лъуна гIолилазда гьоркьоб экстремизмалъул ва террористияб идеологиялде дандечIеялъе гьарулел хIаракатал, патриотикияб ва рухIиябгун моралияб тарбия кьеялъул суалал ва гIемераб цогидабги.

Миллатазда ва диназда гьоркьосел бухьеназул советалъул данделъиялъул гIахьалчагIазе гьабураб хIалтIухъ баркала кьуна Дагъистаналъул бетIерас.

ГIемерал соназ ракълида ва цоцалъ рекъон гIумру гьабулел Дагъистаналъул халкъазул цолъиялъул бицунаго Сергей Меликовас тIадчIей гьабуна киналго дагъистаниязул гIаммаб генетикияб код цо букIиналда.

Гьес, гьединго, баркала кьуна республикаялъул диниял церехъабазе: Дагъистаналъул муфти, шайих АхIмад-хIажиясе, МахIачхъалаялъул ва Дербенталъул архиепископасе, епископ Варлаамие, Борис Ханукаевас вакиллъи гьабулеб Дагъистаналъул жугьутIазул жамагIатазул цолъиялъе.

2026-03-15 (Шаввал 1447 с.) №6.


Аллагь ﷻ вацIцIадав вуго

Жакъа нилъеда гIемер рихьула цо-цо чагIи, гIураб динияб лъайги гьечIел, гIараб мацIги лъаларел, амма гIакъидалъул гъваридал суалал гьоркьор лъолел. Гьез цохIо жидерго пикрабазда мугъчIвай гьабула, амма церехун рукIарал ритIухъал чагIазул - салафазул бичIчIи хIисабалда бихьизарула. Цо-цо мехалъ...


Духъе вачIарав чапар

Рамазан моцI ккола гIумруялда жанир ккарал гIунгутIаби рацIцIине ва нилъерго иман щула гьабизе кьураб моцI, гьебги ТIадегIанав Аллагьасул ﷻ рахIматалдалъун. Гьаб моцIалъе чияс букIине кколеб адаб-хIурмат гьабуни, гьелъул баракат щвела.   Рамазан моцI лъугIизе дагьалго къоял хутIун ругониги,...


Районалъул ифтIар

Гъуниб росулъ тIобитIана районалъул тIолалго росабалъа рачIарал гIадамаз гIахьаллъи гьабураб кIалбиччаялъул мажлис. Гьениб бицана цолъиялъул ва цадахъ рекъон рукIиналъул бугеб кIваралъул, рамазан моцIалъул хиралъиялъул ва гьеб индалги гьабулеб гIибадат гьоркьоб къотIизе тезе бегьулареблъиялъул...


Нужее баяналъе

  «ХIавамим» абурал сураби чан ругел? – Анкьго руго. Щал гьел кколел? – «Гъафир», «Фуссилат», «Шура», «Зухруф», «Духан», «Жасият», «АхIкъаф». Щай гьезие...


«Шукруялъул мажлис»

Рамазан моцIалъул хIурматалда, Унсоколо районалъул ХъахIабросулъ тIоби-тIана «Шукруялъул мажлис» абун цIар лъураб руччабазул данделъи.   Гьениб лъималаз ри-кIкIана кучIдул, ахIана нашидал, бихьизабуна ясал цадахъ кIал биччазе иналъул ва цоцазул тIалаб гьабиялъул хIакъалъулъ...