Аслияб гьумералде

Исламияб академиялъул ректор ва Дагъистаналъул муфти

Исламияб академиялъул ректор ва Дагъистаналъул муфти

ДРялъул тахшагьар МахIачхъалаялда Болгаралъул исламияб академиялъул ректор Фархат Хуснудинов дандч1вана Дагъистаналъул муфти, шайих АхIмад-афандигун.

Гьез бицана Россиялда исламияб лъай кьеялъул бугеб кIваралъул, гьеб цебетIолеб букIиналъул ва улкаялъул рухIиял идарабазул центраз цадахъ рекъон гьабулеб бугеб хIалтIул хIакъалъулъ.

Фархат Хуснудиновас баркала кьуна АхIмад-афандие гьабураб гьоболлъиялъухъ ва абуна Дагъистаналъул муфтияталъул рахъалдасан жидее кидагосеб кумек-квербакъи букIунилан.

«Нижецаги кидаго халккун букIуна Болгаралъул исламияб академиялда хадуб ва рохарал руго къо бахъанагIан гьеб цебетIолеб букIиналдаса. Баркала буго академиялъе нижер имамзабазе лъикIал шартIал ч1езарун рукIиналъухъги. ХIакъикъаталдаги жакъа академиялъ гьабулеб хIалтIи буго бергьун кIудияб», - ян абуна ДРялъул муфти, шайих АхIмад-афандица.

 

2026-09-01 (РабигIул аввал 1448 с) №17.


Щал кколелали бихьизабуна

Нилъер диналда жаниб кутакаб бакI кколеблъун буго аманат, божилъи гьабураб тIубазаби, ритIухълъи цIуни абураб иш. Гьебги гIицIго гьабулеб гIадатияб ишалда хурхин гуреб, муъминчиясул гIумруялъул Аллагьасулгун ﷻ жиндир бугеб гьоркьоблъиялдаса байбихьун ва хIатта хIайваназул ургъел гьабиялде щвезегIан...


Гьикъизе нечараб бицине намусаб

Лъимер хьихьизе бачине бокьун буго     Дир йикIана яс. Гьей унтана ва къадаралда щвана. Гьеб ками цIакъго захIмалъана. Лъимер гьабулеб ригьалда гьанже дун гьечIо, амма лъимер хьихьизе бачине бокьун буго. Аллагьасда ﷻ цебе гьеб лъимер дирлъун лъугьунищ?   Ш.,...


Баркала кумекалъухъ

ХӀурматияб «Ас-салам» газеталъул редакция! Газета гьоркьобккун нижее, Хунзахъ районалъул ТӀадколоб росулъа ХӀажиев ГӀалискандил хъизамалъе, бокьун буго баркалаялъул калам загьир гьабизе нижее хӀажалъи ккедал кумекалъе ратарал гӀадамазе.   Исана 13 июналда цӀаги рекӀун нижер мина,...


ЦIар кинаб лъелеб?

Гьабун анкьабилеб къоялъ лъимералда цIар тезе суннатаб буго. Реххараб лъимералда рухI лъун букIун батани, гьелдаги цIар тезе суннатаб буго. Реххараб лъимер васищ яги ясищали батIа бахъизе лъачIони, кIиязего бегьулеб цIар лъела, масала, ТIалхIат, ХIамзат, Майсарат гIадал. Реххараб лъимералда...


ДугIаялъул хиралъи

ДугIа гьаби ккола гIибадаталъул ракI гIадаб жо. ДугIа гьабиялда жаниб лагъас жиндирго мискинлъи, гIодовегIанлъи, Аллагьасде ﷻ живго хIажалъи, Аллагьасул ﷻ бечелъи загьир гьабулеб буго. Кинабго жоялъулъ Аллагьасде ﷻ гьардолел рукIине ккола. Нилъее, Аллагьас ﷻ кьураб гурони, щибго жо...