Аслияб гьумералде

ДГИялда – лъай кьеялъулаб ифтар

ДГИялда – лъай кьеялъулаб ифтар

МахIачхъалаялда тIобитIараб лъай кьеялъулаб ифтаралда гIахьаллъи гьабуна пачалихъиял органазул, лъай кьеялъул, СМИязул вакилзабаз, жамгIиялгун политикиял хIаракатчагIаз, депутатаз ва СВОялъул гIахьалчагIаз.

Гьеб тадбиралде вачIун вукIана ДРялъул муфти, шайих АхIмад-афанди ГIабдулаевги.

Ифтаралде данделъаразе саламги кьун, кIалъана муфтиясул гIакълучIужу ГIайна ХIамзатова. Гьелъ бицана тIобитIулеб бугеб мажлисалъул кIваралъул ва абуна гIицIго лъай тIалаб гьабиялда жаниб гурони нилъеда хвасарлъи батуларилан. ХIакъаб жо, лъай бугев чи мекъи ккезавизе цIакъ захIмалъулелъулха нилъер улкаялда рикьалаби ккезаризе, питнаби рагъаризаризе хIалбихьулел хIаракатчагIазе.

ДРялъул миллияб политикаялъул ва диниял ишазул рахъалъ министр Энрик Муслимовас абуна: «Гьаб нилъер заманалда чара гьечIого къваригIуна лъайги лъаялда рекъараб махщелги. Гьединаллъун нилъ ругони, нилъеда кIвезе буго нилъер улкаялдеги республикаялдеги данде информациялъулаб рагъ лъазабуразе мустахIикъаб жаваб кьезе. Гьелдаго цадахъ нилъги нилъер тIаде гIолеб гIелги букIине ккола адаб бугеллъун ва тарбия щвараллъун», - ян.

Данделъиялда кIалъана Аграрияб университеталъул ректор Зайдин Жамбулатов ва Россиялъул БахIарчи НурмухIаммад ХIажимухIаммадовасул эбел, МахIачхъалаялъул № 54 школалъул директор Сапижат Мазаева.

КIалъаязда гьоркьо-гьоркьор «ВатIан» ясли-ахалъул ва Юсуповасул цIаралда бугеб школалъул гьитIичаз ахIана мавлидал, рихьизаруна театралиял постановкаби.

2026-09-15 (РабигIул ахир 1448 с.) №18.


Сахаватав инсан

Нижер росулъа сахаватав инсан Чарандал вас ГIамиргIалица жиндирго инсул букIараб мина къачIазеги къачIан кьуна росдал мадрасалъе. Киналго росдал гIадамал кутакалда рохун ва разиго руго ГIамиргIалица гьабураб гьеб баракат цIикIкIараб ишалдаса. Гьанже рес рекъана мадрасаялда лъимал ва чIахIиял...


Бусурбабазул тарихчи ва географ

ГIизудин ибну Шаддад ХӀалаби гьавуна Сириялъул ХIалеппоялда бугеб ХӀалаб шагьаралда, 1217 соналъул лъабабилеб зулхӀижа моцIалъ, гьижрияб 613 соналда. Тарихалъул ва географиялъул рахъалъ жиндирго хIалтIабазул кумекалдалъун ибну Шаддад вахъана жиндир гIасруялъул машгьурал тарихчагӀазул...


Ахиралде щвана

Баракатаб РабигӀул аввал моцӀ ахиралде щвана. Гьаб моцӀги Авараг ﷺ гьавураб къоги, цогидал моцӀал гӀадин нилъеца тӀобитӀичIо. Цогидаб заманалде ккун гьаб моцIалъ чияс дагьаб бугониги цӀалун батани Аварагасул ﷺ хӀакъалъулъ, абизе бегьула гьес хайир босанин.   ГӀумруялъ гьесул хӀакъалъулъ цӀаланиги...


Якутскиялда «Лъаялъул сордо»

Якутскиялъул аслияб мажгиталда тIобитIана МухIаммад аварагасул ﷺ хIурматалда «Лъаялъул сордо» абураб цIаралда гъоркь тадбир. Гьелда гIахьаллъи гьабуна ДРялъул муфтияталда цебе бугеб регионалияб цебетIеялъул департаменталъул нухмалъулев АхIмад Надирбеговас ва гьесул заместитель ГIизраил...


РакI чIаго гьабулеб

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...