Аслияб гьумералде

ЦIияб мажгит

ЦIияб мажгит

Гъизилюрт районалъул Гьамуши росулъ кӀодо гьабуна тӀолалго бусурбабазул жамгӀияталъе кӀвар бугеб лъугьа-бахъинлъун кколеб цӀияб мажгит рагьи.

Байрамалъулаб тадбиралда гӀахьаллъаразда гьоркьор рукӀана ДРялъул муфтияталъул централияб округалда вугев вакил МухӀамад Майранов, Гъизилюрт районалъул имамзабазул советалъул председатель МухӀамадхӀабиб МухIаммадов, Хунзахъ районалъул имамзабазул советалъул председатель Исрафил МухӀумаев, мадугьалихъ ругел росабазул имамзаби ва цогидалги.

КӀалъазе рахъараз ракӀ-ракӀалъулаб баркала загьир гьабуна росдал гӀадамазе мажгит баялъулъ жигараб гӀахьаллъи гьабуралъухъ.

Жидерго кӀалъаязда гIалимзабаз бицана жамагӀат гьабун ралел каказул бугеб кӀваралъул ва муъминзаби ахӀана Аллагьасул рокъоре цадахъаб гӀибадат гьабизе данделъизе, вацлъигун гьудуллъи цIунизе.

Тадбиралъул ахиралда киналго гӀуцӀарухъабазе, спонсоразе, лъикӀаб ишалъе квербакъи гьабуразе кьуна ракӀалде щвеялъул сайгъатал ва Баркалаялъул кагътал.

 

2026-05-01 (ЗулкъагIида 1447 с.) №9.


ХIежалъул хIакъалъулъ бицана

ХӀежалде ине заман щолеб букIиналда бан, МахӀачхъалаялда тӀобитӀараб данделъиялда гIахьаллъана хӀеж борхиялъул рахъалъ жавабиял идарабазул ва гӀуцӀабазул вакилзаби. Гьенир гьоркьор лъурал аслиял суалал рукӀана авиатранспорталда, сапаралъул шартӀал, СагӀудиязул ГӀарабиялъул Къираллъиялъул тӀалабазда...


АлхIамалъул хIикмат

Бокьараб как балеб мехалъ чияс щибаб ракагIаталда цIалула «ФатихIа» сура. Гьеб «ФатихIа» сура гурони цониги сура чIоларо какилъ гьеб цIализе хIалкIолев чиясе. Лъаларезе, гьанже ругьунлъулезе батIияб хIукму буго.   ГIубада ибн ас-Самитица бицана Аварагас ﷺ абунин:...


Шамаилал сунда абулеб?

Аллагьас ﷻ нилъ, бусурбаби, тIадегIан гьаруна исламияб динги кьун ва гьелдаго цадахъ гьеб дин малъизе витIана МухIаммад авараг ﷺ. БетIергьанас ﷻ гьев тIадегIан гьавуна кинабго жоялдаса. ГIаишатида гьикъидал гьесул ﷺ тIабигIаталъул хIакъалъулъ, гьелъ абуна, гьесул тIабигIат Къуръан букIанин...


КIудияб бергьенлъи щвела

ЗулкъагIида ккола бусурбабазул моцIрол календаралъул анцIила цоабилеб. Жибго «къагIада» абураб рагIул магIна ккола «гIодов чIей», яги хIалтIи гьабичIого чIей. Гьедин моцIалда цIар тарабги букIана гьеб заманалда гIадамал рагъ-кьал гьабиялдаса нахъекъан чIолеллъун...


ГIараб мацIалда гIуцIараб тарихияб мажлис

ХIурматиял магIарулал, инкъилаб ккелалде цебе букIараб заманалде раккани, нилъее якъинлъула тIубараб Дагъистаналъулго хъвай-хъвагIай гIараб мацIалда букIараблъи. Гьелде тIаде цо дагьа-макъабго гIажамалдаги букIун буго.   Балагьеха, гьадигIан гIемер батIи-батIиял мацIал жанир ругеб Дагъистан...