Аслияб гьумералде

Гъизляралда - «Къуръаналъул сордо»

Гъизляралда - «Къуръаналъул сордо»

Гъизляр шагьаралъул стадионалда тIобитIана «Къуръаналъул сордо» абураб тадбир.

Гьеб тадбиралда гIахьаллъи гьабуна чанго азарго чияс. Гьезда гьоркьов вукIана Аварагасул ﷺ наслуялъул чи, шайих ХIабиб ХIусейн Ас-Сакъаф, ОАЭялдаса бусурбабазул жамгIияталъул тIолгодунялалъул советалъул генералияв секретарь МухIаммад Джума ал-Бишарий, Россиялъул субъектазул муфтиял, ЛНРалъул муфти МухIаммад ИсмагIил Гамбаров, исламиял гIелмабазул докторзаби, пачалихъиял ва жамгIиял хIаракатчагIи.

Тадбир байбихьана хIафиз Ибрагьим Аз-Зубаджица Къуръаналъул аятал цIалиялдаса.

Хадуб кIалъазе рахъараз бицана Аварагасул ﷺ гIумруялъул, гьев гьавиялъул хIурматалда тIоритIулел тадбиразул, рухIияб лъай кьезе кколеблъиялъул. 

КIалъаязда гьоркьо-гьоркьоб миллиял мацIазда ахIана мавлидалгун нашидал.

Гъизляр шагьаралъул имамзабазул советалъул председатель Шамил БахIандгIалиевас бицана гьадинал тадбираз квербакъулин бусурбаби цолъизариялъеян.

2026-10-01 (РабигIул ахир 1448 с.) №19.


ТIаса ине гурин

НигIматалде гIадамал хехго ругьунлъула. Дагьалъ цере хIажалъиялда рукIун, Аллагьасдаса кумек гьарун, захIмалъаби рихьун, жидерго ахIвал-хIал хисиялъул анищазда хьулалда рукIана. Амма гьоркьоб заман уна, ТIадегIанав Аллагьас гьезие талихIги, сахлъиги, гIелмуги, адаб-хIурматги кьола, цинги...


Мадрасалъул цIиял корпусал

Гъизилюрт районалда рагIалде бахъунеб буго Хучадаса МухӀаммад-афандил цIаралда бугеб мадрасалъе цӀиял корпусал раялъул хӀалтӀаби. Гьелъул хIакъалъулъ бицараб данделъи тIобитIана Дагъистаналъул муфти, шайих АхӀмад-афандица. Гьелда гIахьаллъана диниял хӀаракатчагӀи, лъай кьеялъул мурадалда комплекс...


«Аварагасул ﷺ ирс» фильмалъул цебелъей

Инхо росулъа шайих ГӀабдулхӀамид-афандиясул гӀумруялъе ва рухӀияб ирсалъе сайгъат гьабураб «Аварагасул ирс» абураб фильмалъул цебелъеялда гӀахьаллъана Дагъистан Республикаялъул муфти, шайих АхӀмад-афандиги. Гьеб тадбир тIобитIана «Россия – дир тарих» абураб тарихияб...


ЦIоросаролъ

ЦIоросаролъ ккола ракъи буссинабулеб ва халкъалда гьоркьоб машгьураб нигIмат. Гьелъулъ белок, клетчатка, витаминал ва минерал гIемер руго. ХIалакълъизе хIаракат бахъулел гIадамаз гьикъула, диетаялда вугеб мехалда цIоросаролъ кваназе бегьулищин абун.   ЦIоросаролъалъ кумек гьабула гIорцIизе....


Къулгьу...

«Ал-Ихлас» сура гIуцIун буго ункъо къокъаб аяталдаса, амма Аллагьасул Расулас ﷺ бицана гьелъул кIудияб мустахIикълъиялъул: «Къул гьува Ллагьу ахIад» Къуръаналъул лъабабилеб бутIаялда бащалъула», - ян. (Муслим)   Байбихьуда гIажаиблъизе рес буго, бищун къокъал...