Аслияб гьумералде

Гъведыш росулъ рагьана мажгит

Гъведыш росулъ рагьана мажгит

Гъведыш росулъ рагьана мажгит

ЛъаратIа районалъул Гъведыш росулъ тIобитIана цIигьабун къачIараб мажгит рагьиялда хурхун исламияб мажлис. 90абилел соназго бараб мажгит къварилъун ва жагъаллъун букIиналъ росдал хIукму ккана гьебги биххун дагьаб кIодоги гьабун цIияб мажгит базе. Аслияб куцалда гьелъие харж гьабуна жидерго росдал жамагIаталъ.

Мажгит ккола росдал диналъул даража борцунеб роцен. Гьаб цIияб мажгиталъухъ балагьани, гьеб жанисан чIобогоги течIони Гъведиш росдае къадараб къимат лъицаго кьеларо.

Мажлисалда гIахьаллъи гьабуна Муфтияталъул мугIрузулаб округалда вугев вакил ГIалиасхIаб Разакъовас, ЛъаратIа районалъул имамзабазул советалъул председатель Ислам ГIизраиловас, Муфтияталъул рухIияб лъай кьеялъе нухмалъи гьабулев Шамил ГIусмановас ва Сулейманстальск районалъул имам Шамил-хIажицаги.

ГIелмияб данделъиялде Гъведышисезул рохел гIахьал гьабизе рачIун рукIана Дагъистаналъул ва гьеб бахун къватIибехун гIумру гьабун ругел росуцоялгун районцоял ва цогидал гьалбал. Мажлис ана берцинго. ГIалимзабаз гьарулел рукIана магIна гъваридал вагIзаби, гьоркьо-гьоркьор ахIулел рукIана мавлидал ва туркаби.

 

2026-09-15 (РабигIул ахир 1448 с.) №18.


Авараг ﷺ лъай – гьев вокьи

Аллагьасул Аварагасде ﷺ бугеб рокьиялъ гьесул асхIабзабазул ракIазулъ хасаб бакI кколаан. Гьеб рокьи гьез загьир гьабулаан рагIудалъун ва пишабаздалъун гуребги Аварагасул ﷺ къадру цIунулел, гьесул лъикIлъаби рицунел, гьесул тIокIаб гIамал-хасият беццулел шигIрабаздалъунги.   АсхIабзабазда...


ХIикматал махлукъатал

КIвахIачал   КIвахIалал абун цIар лъурал хIайванал руго цIакъ хьвади хIинцал жал. Гьез кванала гъотIол тIамхал. Цаби рукIуна бащадал ва цо формаялъул. Цересел хIатIал нахъисездаса халатал руго. Рас буго чахьалдаса мугъзаде сверун бижараб. ЛъикI бихьула, махI бачине кIола, амма гIинда бакIаб...


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...


Гьикъизе нечараб бицине намусаб

Якьадги росги   Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...