Аслияб гьумералде

«Марьям» - кумек хIажатазухъе бегьулеб квер

«Марьям» - кумек хIажатазухъе бегьулеб квер

Дагъистаналъул тахшагьар МахIач-хъалаялда рагьана «Марьям» абун цIар кьураб руччабазул рухIияб центр.

Гьеб рагьиялъулаб тадбиралда гIахьаллъи гьабуна респбуликаялъул машгьурал руччабаз: власталъул вакилзабаз, жамгIиятчагIаз ва цоги-цогидалги ишазда ругез.

ТIаде рачIарал гьалбадерие рухIияб централда гьабуна экскурсия. ЩутIалаяб мина хьезабун буго хIажатабщиналдалъун ва гьениб бокьараб мехалда рес буго руччабазе кумек гьабизеги. Гьединго, жидерго иш роцIцIинегIан, гьенир сардал разе бегьула захIмалъиялде ккараз. Гьелъиеги руго киналго шартIал чIезарун.

Чанго соналъ цебеги гIемерисел руччабазда лъалароан хъизамалда, хIалтIуда ва жамгIияталда дандчIварал масъалаби кин тIуразарилелали, кин гьездаса рорчIилелали, кумек гьарун лъихъе ине кколелали. Жакъайин абуни гьеб рахъалъ абизегIанасеб къварилъи гьечIо. Щайгурелъул гьединал захIмалъаби дандчIварал руччабазе кумек гьабизелъун рагьун бугелъул «Марьям» центр. Гьениб щияй чIужугIаданалда батизе буго мугъчIвазесеб бакIги, щвезе буго хIажатаб кумекги, гIакълуги. ПалхIасил, централде рачIарал кумек щвечIого нахъе ине гьечIо.

 «Марьям» центр хIалтIула сордо-къоялда жаниб. Гьение ячIинеги бегьула бокьараб ригьалъул, миллаталъул ва диналъул гIадан. Кумекги гьабула чIобого.

Централъул учредитель ккола Дагъистаналъул муфтият.

2026-04-01 (Шаввал 1447 с.) №7.


Муфти дандчIвана хIафизгун

ДРялъул муфти, шайих АхӀмад-афанди дандчӀвана, хирияб рамазан моцӀалъ таравихӀалъул каказда гӀахьаллъизе республикаялде вачӀун вукIарав машгьурав хӀафиз Сиратуллагь Рауповгун. Гьез бицана хирияб Къуръан малъиялъул, рекӀехъе лъазабиялъул къагIидабазул хIакъалъулъ.


ЦIияб тIехь

ДРялъул муфтияталъул гӀелмияб отделалъ къватӀибе биччан буго исламияб лъай кьеялъул бищунго хириял темабазул цояблъун кколеб Лайлатул къадруялъул сардил хиралъабазул бицараб тIехь. Гьелъул автор ккола машгьурав гӀалимчи ва хӀафиз АхӀмад ибн ГӀабдуррахӀим ал-ГӀиракъи. Жиндирго тIехьалда гьес...


Муфтияталда хIасилал гьаруна

ДРялъул муфтиясул заместитель Насрулла Абубакаровасул нухмалъиялда гъоркь тIобитIараб данделъиялда гIахьаллъи гьабуна Къуръан рекIехъе лъазабиялъул централъул мугIалимзабаз. Гьениб бицана гъоркьиса гьабураб хIалтIул, ккарал хIасилазул хIакъалъулъ ва тIадчIей гьабуна исана церелъурал масъалаби...


Тарихалъул багьадур

КӀудиял имамзабазул цояв, гӀалимзабазул сайид, шафигӀияб мазгьабалъул къази, машгьурав тарихчи ва таржамачи ибну Халликан гьавуна 1211 соналъ (гьижрияб 680 сон) ГӀиракъалъул Эрбил шагьаралда.   Ибну Халликан ГӀиракъалда гьавуниги, гьесул тӀолабго гӀумру ана Мисриялда ва Шамалда. Гьесул...


ХIежалъул бицине данделъила

ХIежалъул бицине данделъила  «Марва-Тур» компаниялда тIобитIана регионалда хIежалъул ишал гIуцIиялъул жавабиявлъун кколев Шамил МухIаммадовасулги ДРялъул миллияб политикаялъул ва диниял ишазул министерствоялъул вакилзабазулги данделъи. Аслияб суал букIана исана хIежалде дагъистаниял ритIулеб...