ТалихIаб хъизан
Нилъер диналъулъ ригьин гьаби буго кутакалда кIудияб, Аварагасги ﷺ жинде ахIараб, жамгIияталъул цIуна-къай цебетIеялъе кумеклъун бугеб шаргIияб нух. Гьеб биххи буго Аллагьас ﷻ хIалал гьарурал ишазулъ бищун Гьесие рихараб, жалго рос-лъадулги кьал лъугьунеб, гIага-божаразулги гьоркьоблъиялъе жагъаллъи ккезабулеб. Рос-лъадуца, кинаб рахъалдасан батаниги, сабабалги хIалтIизарун, хIаракат бахъизе ккола жидерго ригьин цIунизе.
Рос-лъадуца цIунизе ре-къарал гIамалаздасан руго:
Росасе
- Гьабулеб гIамала-лъулъ Аллагьасукьа ﷻ хIинкъи, сундулъго сабру цебе ккезаби, ракI-ракIалъулаб дугIа.
- Гьабулелъулъ сахаватлъи бихьизаби, гьебги гIицIго боцIи-мал босулеб мехалда гуреб, кинабго гьабулебщиналъулъ.
- ХIеренго бигьаяб нух цIуни, лъадул гIунгутIаби хъирщунгутIи.
- Бихьизе биччаге хъачIлъи, цIуне тамахлъи, жува-гъуван вукIа.
- Лъадуе рокьулел рагIаби абиялъулъ къарумлъунгутIи.
- Цадахъ заман тIобитIи, махсара гьаби.
Лъадуе
- Аллагьас ﷻ хIалал гьабуралъулъ росасе мутIигIайлъун йикIин.
- Рос гьечIеб мехалъ гьесул къартIги рукъ-бакIги цIуни.
- Рос вачIиндал, ахI-вал-хIал бихьун гурони, гIемерал суалал кьун гаргадизавунгутIи.
- Рокъоб гIодобе биччараб ахӀвал-хӀал гӀуцӀи.
- Росасе хIеренайлъун, гьесул рекIел цIайи жинде балеб къагIидалда йикIин.
- Кидаго рос аскIов ву-кIине бокьуге.
КIиязего
- Как бай, кIал кквей гIадаб гIибадат-гIамал цадахъ гьаби.
- Гьабулеб иш цоцазда дандбай, кIиязулго пикру халгьаби. Гьабулелъе цоцазе кумек гьаби.
- Цоцаздехун къадруялда ва ритIухълъиялда гIамал гьаби, хасго росас чIужуялдехун.
- РетIа-къай берцин гьаби. Чорхолъ рацIалъи цIуни, хасго гьоркьоблъи гьабилалде цебе.
- Цоял ццим бахъун ругеб мехалда дагьаб заманалъ кIалъачIого тей.
- Рокъоб бугеб рокъоб те, къватIибе гьурщуге. Цогидал гIахьал гьарун гурони тIубалареб сула имамасдасан тIубазе хIалбихье.
- Цоцазул эбел-инсулги, нужеразулго гIадаб къимат гьаби, гьоркьоблъи цIуни.
- ДагIба-рагIигун ратIа-лъичIого, маслахIатаб нух балагьи.
- Лъималазе тарбия кьолелъул, цоцаздехун къимат гьезулъ бижизаби.
Рос-лъадул гIумру буго Аллагь ﷻ разилъиялде нух, гьелъ хIаракат бахъизе ккола щивас цоцазул рахIат хвезабунгутIизе. Щулияб хъизан буго талихIаб гIумруялъе кьучI, ахираталда Алжан щвеялъе сабаб. Мунагьаздасаги цIуне. Гьабулелъулъги тIоцебе жинцаго мисал бихьизабе. Сундулъго ниятги Аллагьасе ﷻ гIоло гьабе.
Аллагьас ﷻ баракат лъеги!
