Аслияб гьумералде

ГIажамиязулгун рагъ

ГIажамиязулгун рагъ

Абу Гьурайратидасан бицараб хIадисалда буго: «БагIараб гьумералъул, чIинтIарал къалазул, къваридал беразул Хузалгун ва Кирманалгун гIажамиял рагъун гурого Къиямасеб къо щвеларо. Гьезул гьурмалги тIад махх ккураб хъалхъаналда релълъун рукIина, хьиталги квасул рукIина», - ян. (Бухари)

Хуз къавм ккола ГIиракъалъул гIажам халкъалъ гIумру гьабулеб букIараб рахъ. Гьеб бакIалде Хузастанинги абулаан. Кирман ккола бакътIерхьудехун персазул ракьал ругеб ва севералъулаб рахъалъ Хурасан бугеб кIудияб бакI.

Щайха гIажамиязулгун рагъ бай Къиямасеб къоялъул гIаламатлъун кколеб?

Бусурбабаз гIажамиязда тIад бергьенлъи босидал гьезул гIемерав чи исламалде вачIана. Цинги жагьилаб заманалда жидер букIараб динги игIтикъадги исламияб дингун жубазабизе байбихьана гьез. Гьеб сабаблъун гIемерал батIи-батIиял къосарал рикьалабиги раккизе байбихьана. Гьелде тIадеги лагълъиялда ругез, нухмалъи гьабизе бажаричIел къурайшиял- церехъаб и тIаса рехулел рукIана.

Гьеб ритIухъ гьабула АхIмадица «Муснадалда» бицараб хIадисалъги. Аварагас абуна: «Дун хIинкъун вуго ТIадегIанав Аллагьас нужер кверщаликье гIемерал гIажамиял кьелин, цинги гъалбацIлъун лъугьун, рагъун нужер гъанимаби кваназе ругел», - илан.

ЖАБИР МАЖИДОВ

2026-09-15 (РабигIул ахир 1448 с.) №18.


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...


Сахаватав инсан

Нижер росулъа сахаватав инсан Чарандал вас ГIамиргIалица жиндирго инсул букIараб мина къачIазеги къачIан кьуна росдал мадрасалъе. Киналго росдал гIадамал кутакалда рохун ва разиго руго ГIамиргIалица гьабураб гьеб баракат цIикIкIараб ишалдаса. Гьанже рес рекъана мадрасаялда лъимал ва чIахIиял...


Суал-жаваб

Хабалъ ракIгъеялъул как кин балеб? ШафигIияб мазгьабалъул кIудияв гIалим Сайид МухIаммад Журданияс «ФатхIул ГIаллам» абураб тIехьалда хъван буго: «Гьел суннатал каказдасан ккола хабалъ ракIгъезабиялъул какги. Аварагас ﷺ абун буго: «Хварасе тIоцебесеб сордоялдаса захIматаб...


Аллагьас ﷻ цIунула

Балагь, рекIее хIалхьи толарел ахIвал-хIалал ва захIмалъаби тIаде рачIуна нилъер щивасде. Гьаб дунялалъул рукъ гьедин гIуцIарабги буго. Амма нилъер гIумруялъул аслулъун бугеб мурад ва гьаб дунял жидее щиб бакI бугебали бичIчIи бугез дандчIварал къисматалъул киналго захIмалъаби къвакIун хIехьола....


Нужее баяналъе

Авараг гьавураб сон щиб сон букIараб? – Пилалъул сон. Пилалъул сон абун щай гьелда цIар тараб? – Гьеб соналъ Абрагьат аскаргун ва пилалги рачун КагIба биххизе вачIун вукIана. Аварагасе ﷺ кьураб бищун кIудияб мугIжизат щиб букIараб? – Къуръан. Муса аварагасул...