Аслияб гьумералде

ЦIамул тIагIам бихьарасда гьацIул къиматги лъала

ЦIамул тIагIам бихьарасда гьацIул къиматги лъала

Нилъер кIигъуждузде тIаде бегулеб щибаб масъала – гьеб буго гIумруялъ нилъеда речIчIулеб гамачI. Амма речIчIанщинаб ганчIида тIасанги рахун церехун унел ругони, нилъер щивасда кIола гIор, лъар бахине.

 

Гьебго заманалда, нилъеда кIочене бегьуларо, гьаб дунялалдаги доба ахираталъул рокъобги нилъее пайдаялъе батулеб щуго жо: 

  1. Бачахъе рекIелъа рокьукълъи - ракIхун рукIанщиназдаса тIаса лъугьа.
  2. Бачахъе рекIелъа рахIатхвей - гьезул гIемерисел ратула гьадингоял, щибго пайда гьечIел.
  3. Гьабе гIадатияб гIумру, бугеб хIалтIизабе цIуна-къан ва гьелъул къимат гьабизе лъай.
  4. ЦIикIкIун кье, цIикIкIун бикье.
  5. Дуего дагь щвезе букIиналда ракIчIун вукIа.

Аварагасул хIадис буго кIкIарадул кваркьиялъул багьаяб жо гьаб дунял гурилан абураб. Гьайгьай, гIакълу бугез, пикру гьабулез абадиялъ жидеего батулеб гьабичIого толаро. Амма гIакъилзабийин жидедаго ккарал хвезегIан хутIула рекIелъ жахIдагун, рокьукълъигун, рахIатхвейгун кIкIарадул кваркьиялъул багьаяб гьечIеб дунялалда хадур хачадилел. Цо-цоялин абуни хIайваназул бакIалдецин ккола.

ЗахIмалъи бихьарасда жиндирго бакI батула,

ЦIамул гьир чIикIарасда гьацIул къиматги лъала.

ГIемер гIодизе ккарав ракI-ракIалъго велъула

Хвел нахъа букIин лъалес лъикIлъиялъ хур бекьула.

 

 

МухIамадхIабиб МахIатIов

2026-09-01 (РабигIул аввал 1448 с) №17.


Нужее баяналъе

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...


ДугIаялъул хиралъи

ДугIа гьаби ккола гIибадаталъул ракI гIадаб жо. ДугIа гьабиялда жаниб лагъас жиндирго мискинлъи, гIодовегIанлъи, Аллагьасде ﷻ живго хIажалъи, Аллагьасул ﷻ бечелъи загьир гьабулеб буго. Кинабго жоялъулъ Аллагьасде ﷻ гьардолел рукIине ккола. Нилъее, Аллагьас ﷻ кьураб гурони, щибго жо...


Минскалда тIобитIана халкъазда гьоркьосеб форум

Беларусь Республикаялъул тахшагьар Минскалда тӀобитӀана «Механизмы укрепления межкультурного взаимодействия и духовно-нравственных ценностей на международной арене» абураб цIаралда гъоркь халкъазда гьоркьосеб форум. Исламияб маданияталъул, гӀелмуялъул ва лъай кьеялъул фондалъул...


ХIикматал махлукъатал

Попугай ччугIа Пляжал гIуцIулеб. Гьеб ччугIил щибаб чIандероялда руго нус-нус гьитIинал, горал гIадал жал цоцалъ щулаго гъункун лъугьарал, гозоялъул кинниги сипат бугел цаби. Цабиги руго батIи-батIияб маххалдасаги къвакIарал. Цабзаздалъун гьез кораллал къунцIула. Габуралъул рахъалдаги руго жеги...


Баркала кумекалъухъ

ХӀурматияб «Ас-салам» газеталъул редакция! Газета гьоркьобккун нижее, Хунзахъ районалъул ТӀадколоб росулъа ХӀажиев ГӀалискандил хъизамалъе, бокьун буго баркалаялъул калам загьир гьабизе нижее хӀажалъи ккедал кумекалъе ратарал гӀадамазе.   Исана 13 июналда цӀаги рекӀун нижер мина,...