Намудҳои рўза

Шаш намуди рўза мавҷуд аст.

1. Рўзаи фарз. Ин рўзаи моҳи мубораки Рамазон мебошад. Рўзаи дар ин моҳ нагирифтаро дар дигар моҳ чун рўзаи қазогардида, гирифта мешавад ва ё барои надоштани он каффорат дода мешавад.
2. Рўзаи воҷиб. Ба он рўзаи назр ва рўзаи қазо барои шикастани рўзаи нафл мансуб мебошад.
3. Рўзаи суннат. Масалан, рўзаи рўзҳои нуҳум ва даҳуми моҳи Муҳаррам, ё ин ки рўзҳои даҳум ва ёздаҳуми ҳамин моҳ.
4. Рўзаи мустаҳаб. Паёмбар ﷺ мегўяд: “Аз ҳама шоистатарин рўзаро Паёмбар Довуд доштааст. Довуд як рўз рўза медошт, рўзи дигар рўза намедошт. Абдуллоҳ ибни Умар мегўяд: “Ман метавонам боз бештар дорам” Паёмбар ﷺ ҷавоб дод: “Аз ин болотар нест” (Муслим).

Рўзаҳое, ки 13, 14, 15-уми ҳар моҳи тақвими қамарӣ, душанбе ва панҷшанбеи ҳар ҳафта ва инчунин рўзаи баъди моҳи Рамазон шаш рўзи моҳи шаввол, даҳ рўзи моҳи Зулҳиҷа ва рўза дар моҳи Шаъбон гирифта мешаванд.

5. Рўзаи танзиҳан макрўҳ. Масалан, фақат танҳо як рўз рўза доштан-рўзи нўҳуми моҳи Муҳаррам, рўза доштан танҳо дар рўзи ҷумъа, ё ин ки дар рўзи шанбе, ё якшанбе.
6. Рўзаи таҳриман макрўҳ. Дар рўзи иди Рамазон ва дар чор рўзи иди Қурбон ва 2-3 рўз беифтор рўза доштан.

“Хошияту Тахтови”