Ичв суалар
Нивгъар
Суал: Адам пайгъамбар, чакан гъалатI ктубчIвган, швнуд йисан ишури гъахьну?
Жаваб: Адам пайгъамбар, Аллагьдикан ﷻ аьфв ккун апIури, 7 йисан ишури гъахьну.
Рюгь
Суал: Аллагьу Тааьлайи Адам пайгъамбариъ рюгь ивган, дугъан уьмрин сабпи лишнар фицдар вуйи?
Жаваб: Рюгь кIулихъна гъафиган, Адам пайгъамбари, инчи дапIну, гъапну: «АльгьямдулиЛлагь! Гьямд ибшри Аллагьдиз ﷻ!»
Узуз гизаф читинвалар духьназуз
Суал: Йиз саб читин месэла айиз. Эгер узу экзамен, зачёт тутрувиш, депрессия шулиз. Узу мидкан абйир-бабаризра хабар тувунза, ва дурарра пашман гъахьну. Фу шулуш аьгъдарзуз, йиз адашра больницайиъ а, гьарган фикрар апIури шулза, белки гьамдиан вушул, кIури. Мицдар дюшюшариъ фици духьну ккундуш, йипайчва. Сабсана: узу гагул хлихьди бикIрур вуза. Улихьнаси йиз дуст шуру, гагул хлихъди бикIуз хай шулдар, гъапнийзуз, дугъу кIурайиб гьякь вуйин?
Аьлимдин жаваб: Депрессия гъабхьиган, гьаму дюаь урх: «Аллагьумма инни аьбдука ибну аьбдика ибну аматика насияти биядика, мазин фийя гьукмука, аьдлюн фийя кьазаука ас’алюка бикулли исмин гьува лака саммайта бигьи нафсака ав анзальтагьу фи китабика, ав аьллямтагьу агьядан мин халкьика ав истаъсарта бигьи фи ильмиль гъайби индака ан тажаьляль Кьур’ана рабиаь кьальби, ва нура садри ва жалаа гьюзни ва загьаба гьамми!»
«Аллагьумма инни ауьзу бика миналь-гьамми валь-гьазани валь-аьжзи валь-касали валь-бухли валь-жубни ва даляи-ддайни ва гъалабати-ррижали».
Гьацира Аллагьу Тааьлайикан яв адашиз сагъ’вал ккун апIин. Абйир-бабари веледариз ва веледари абйир-бабариз гъапIу дюаь Аллагьди ﷻ кьабул апIуру.
Гагул хлихъди бикIуб гьярам дар. ДумутIанна гъайри, ипIрубна убхърубси дарди, гагул хлихъди бикIуб карагьатра дар. Ав, вари хайирлу ляхнар арччул хлихъди апIуб ужи ву. Пайгъамбари ﷺ ужувлан фукIа апIруган, арччул хлихъди апIуйи. Пайгъамбарин ﷺ сабуну гьядисдиъ, шейтIниз вари ляхнар гагул хлихъди апIуз ккунду, дупна, гьаци вуйиган дидиз ухшар дархьбан бадали, удукьуруш думу гъиллигъ дигиш гъапIиш, ужи ву.
