Пайгъамбариз агъу капIну
Сацlиб вахтна
Духьну сикин,
Жугьдар хъюгъю
Хаинвалихъ
Жара саягъ.
Аьгъяди чпиз
Ихь Пайгъамбриз
(Салават ва
Салам дугъаз)
Чарвайин йикк
Ккуниб вуйиб,
Агъу капlну
Айи саб агъ
Хьади гьау
Харисдин риш.
Ихь Пайгъамбри
(Салават ва
Салам дугъаз)
Саб кьацl гъиву,
Аьгъю гъабхьи
Агъу кайиб
Ва гатlабхьу
Ушвниъ айиб.
Дих гъапlнийи
Думу шураз
Ва гьерхнийи:
– Йипава, гьаз
Мициб ляхин
Гъапlва, Зейнаб,
Я бахтсуз кас?
Жугьуд шуру
Туву жаваб:
–Узуз магьа
Аьгъю апlуз
Ккунди айзуз:
Эгер уву
Вуш гьаънайир
Сар Аллагьди,
Зарал шулдар
Дидкан увуз;
Эгер уву
Гъапlнуш кучlлар,
Азад шулу
Кучlляхрихьан.
Ихь Пайгъамбри
(Салават ва
Салам дугъаз)
Амур гъапlу
Фукlа дарпуз
Ва деетуз
Харисдин риш.
Амма жикъи
Вахтналанси
Хабар гъабхьи,
Якъран агъран
Йикк гъипlу сар
Ансар гъакlну.
Гьаддиз жаза
Туву шураз.
Мусурмнари
Гъидиснийи
Йисирарди
Хайлин жугьдар.
Сафия – риш
Хуяяйин,
Му футнакар
Ва дявикар
Аьгъдрур адар.
Ихь Пайгъамбри
(Салават ва
Салам дугъаз)
Теклиф диву
Сафияйиз
Кьабул апlуз
Ихь ислам дин.
Саб гаф хътарди
Кьабул гъапlу,
Ва София
Гъахьи азад
Йисирвал`ан.
Сафияйин
Уликк ккайи
Аьхю зиян.
Ихь Пайгъамбри
(Салават ва
Салам дугъаз)
Гьерху мугъхьан:
–Гьапlруб вуяв
Му зиян? Гьаз?
Хъасин шуру
Ктибту чан нивкl:
-Гъябкъюнзуз ваз
Узухьинди
Ис дубхьнайи,
Увкан душваъ
Кlурадайи.
Хъа йиз жилир
Гъахьний деллу:
«Уву фици
Дугъкан фикрар
Апlурава?
Уву – мушваъ,
Мединайиъ
Айир думу?»
Гъивнийи гъурд.
Ихь Пайгъамбри
(Салават ва
Салам дугъаз),
Вахт гъубшиган,
Гъадагънийи
Хпирди думу.
Чпи Эфиоп
Вилаятдиз
Гъушу вари
Мухаджирар
Кьяляхъ гъафи
Кьюб дестеди.
Гьадму йигъан
Хайбар дере
Гъадабгънийи
Мусурмнари.
Жяфар кlули
Айи десте
Гъафнийи ихь
Пайгъамбрихьна
(Салават ва
Салам дугъаз),
Тмундар гъушу
Мединайиз.
Жяфар гъяркъган,
Ихь Пайгъамбри
(Салават ва
Салам дугъаз)
Шадвалиан
Гъапну гьамци:
– Аьгьт апlурза
Сар Аллагьдиз,
Узу фтиин l
Рази шулуш,
Аьгъдарзузки:
Хайбар дере
Бисувал`ин,
Дархьиш уву
Рякъювал`ин.
