Шаһ-пылау

Шаһ-пылау

Кирәк:

500 гр. – дөг

500 гр. – ит

3 данә – суган

½ чәй кашыгы – куркума

3-4 аш кашыгы – йөзем

120 гр. – җимеш

Тәменчә тоз

Ләвәш

120 гр. ак май итне кыздыру өчен

200 гр. ак май - табаны һәм ләвәшне майлау өчен Шафран белән ясалган су өчен: 3 тамчы шафран ½ чәй кашыгы шикәр комы 3 аш кашыгы кайнар су

Әзерләү ысулы: Дөгене тозлы суда әзер булганчы пешерергә һәм сөзгечкә салырга. Эчлекне әзерләргә, моның өчен суганны май һәм куркума салып кыздырырга, аннан соң туралган итне салырга һәм суы беткәнче капкач ябып пешерергә. Шунда ук җимешләрне дә салырга 5-7 минут кыздыргач уттан алырга.

Табаны май белән майлагач, ләвәшне җәяргә. Таба тулысынча капланып бетәргә тиеш, тишекләре булмасын. Янә ләвәшне майларга һәм дөгенең бер өлешен салырга. Дөге өстенә итле-җимешле эчлекне салырга һәм шуның өстенә калган дөгене салып бетерергә. Шафран суы ясау өчен кофемолкада шафранга шикәр комы салып вакларга, 3 аш кашыгы кайнар су салырга һәм савытны ярты сәгать ябып торырга. Дөге белән итле эчлек өстенә шул шафранлы суны һәм май сибәргә һәм калган ләвәш кисәкләре белән өстен томалап куярга һәм өстеннән әйбәтләп май белән сыларга (мондый пылау майны ярата, шуңа күрә майны кызганмагыз), өстен фольга яисә капкач белән томаларга һәм духовкага 170 градус ясап 1 сәгатькә куярга. Өстәлгә чыгарганда чәчәк таҗлары кебек кисеп чыгарырга.

Форма буларак казан яисә таба кулланырга була. Май эретелгән булырга тиеш. Ашыгыз тәмле булсын!