Лакрал халкьуннал учаларду

Лакрал халкьуннал учаларду

• Азаргу, ажалгу мажалданух ялугьлай къабикIайссар.
• Бюрх ликкурттал, барцI ххутIал, цулчIа магърал ябайссар.
• Азар кIул дурукунни дару булайсса.
• Аквар къаувкунни куну, чани къашайххурав.
• АьнакIащал лавкьуну, ажарттащал излай.
• БивкIулун рахIму-цIими бакъассар.
• БурцIин цIими хьунну ливчIун ур.
• Бух чIатлу – кIарттувунмай.
• Гьари чувнал цала чурххал хIакиншиву цала дан аьркинссар.
• Гьарица затран – цила чIун.
• Гьарца затрал бакI сагъшивури.
• Гьарца ахъулссаннул – цила гьанна.
• Даврил акъарча, дардирдалли инсан утайсса.
• ДакIнил ххаришиву чурххан даруври.
• ДакIнин ччимур чурххан малхIанни.
• Дунияллий инсаннал кIийла оьрму къабутайссар.
• Жагьил дукралул, хъуначув шанул хъин айссар.
• Жагьилнаву яхIгу, авлияшиву ва аькьлугу ца архIал наниссар.
• Жагьилшиву цинявннахьхьун, хъунав шаву – чанссаннахьхьун дакъа къадирияйссар.
• Жагьилшиву кIийлла къаду-чIайссар.
• Жува – хъуслих, бивкIу – жухва.
• Инавагу халкьуннан бува винмагу бувну ччарчан.
• Инсан чарил акъар – чаругумали ппив шай.
• ИшттахI ккарччал луватур буккайсса.
• Инсангу оьрмулухун жагьилна къаикIай.
• Кусанай чIири къахьурчангу, хъунаврив шайссар.
• Ккаччи хъунмав хъанай, карчI хъунма хъанай.
• КIусса щаву хъин дан шайссар, оьккисса цIа ххуй дан къашайссар.
• Кьаркьала дур – яхI бакъар.
• КIюламур мурхьри лахIлан бикIайсса.
• КIира вичIигу, ца мазгу жунма бувсса чIярусса вичIи дирхьуну, чансса бусланни.
• Личча бунал ччан ласайссар.
• Лякьа дурччукун, чурх бигьа лагайссар.
• Лякьлуйн щурчан, ликрай ацIан бюхъарчангу, къюкIлийн щукуннив, ликкурттаща инсан оьхIан къабюхъай.
• Мурхьгу щала шинай щюллинма къабикIай.
• НигьаусучIанни азар дачайсса.
• Начсса оьрмунияр цIанихсса бивкIу хъинссар.
• Оьрму цIил щинан лавхьхьусса затри: хIачIлачIиссаксса мякь гуж хъанахъиссар.
• ОьрчIал къашайшиву гъили накIлийн багьсса паммари.
• Сагъманан хIакин къааьр-кинссар.
• Сагъсса ттурчIай дикI дишайссар.
• Сагъшиву канихьсса ххазинар.
• Сагъшиву машан ласун къабюхъайссар.
• Ттуршра шин хьума вилттили оьрчIайн уккайссар.
• Ттула зумух нара ччарчан аьравартту дуцинна.
• Угьаранай хъямахъра – инавагу хъунав хьунтIиссарача.
• Уттарашиврул щин хIарчIсса цучIав акъассар.
• Хъунмавхьу къиргъу лухIи хъатIулгума бух байссар.
• Хъинсса инсаннал аьпа махъун личIайссар.
• ХъатIуй – балай, бивкIулий – зума.
• ЦIу ккуртту – мюрай.
• Цила чIумуйсса шану чурххан дарури.
• ЦIун къаивкIнан цIуцIаву цирив къакIулссар.
• Чимус арулла азаруннинсса даруври.
• ЧIава пялут бурандалул так лахIанни байсса.
• ЧIун дучIайссар, ссят дияйссар.