Идавсил ﷺ уссурвал

Идавсил ﷺ уссурвал

Идавсил ﷺ уссурвал

Ца чIумал МухIаммад Идавс ﷺ цала асхIабтуращал унува увкуну бур: «Ца ччивахха ттун жулва уссурвал ккаккан!», - куну. АсхIабтурал махIатталну цIувххуну бур: «Я Аллагьнал Идавс e, жу бакъарув вил уссурвал?» Идавсил ﷺ увкуну бур: «Зу ттул асхIабталлу. Ттул уссурвал – зул хъирив бучIантIимири. Ми ттул ххуллийх бачинтIиссар, на цала яруннин ккавккун акъанува», - куну. (СахIихI Муслим, №249).

Жунма МухIаммад Идавсил ﷺ заманнай дунияллийн буккан талихI къавхьунни, му иширая къащи къавхьусса бусурманчугу акъахьунссар, амма кIай Идавсил ﷺ мукъурттиву дуссар жуннасса дигьалагру ва ххаришиву. Цир бусласисса кIа хIадисрал жухьва, цIанасса заманнайсса бусурманнахь? АсхIабтал учайссар цала яруннин Идавсгу ﷺ ккавккун, Ислам кьамул дурминнайн, Идавс ﷺ къаккавккун иман дирхьуми Идавсил ﷺ цала уссурвалну ккалли бувну бур. Му бакъассагу, Идавс ﷺ ивкIун ур хъинну гъирарай жущала хьуна акьин.

Пикри бувара, зущала Идавс ﷺ хьуна акьин ччай ивкIхьурча, жува хIадурну бурув ганащал хьуна бакьин, лайкьрив жунма Идавсил ﷺ уссурвал тIисса цIа ларсун бачин? Мяйжансса зад бур гьарцаннал къапулухун Израил-малаик учIантIишиву ва Кьиямасса кьини жува уттава бувну, хIисаб-суал бувантIишиву. Тикку авцIуну цала уссурварах ялугьлай икIантIиссар Аллагьнал ﷻ ХIабиб – МухIаммад Идавс e. Пикри бувара, му кьинисса жула сипатрая Идавс ﷺ рязину икIантIиссарив ягу Аллагьная ﷻ нач хьуну бакI хьхьичIун дутанссарив?

2026-09-01 (Рабиуль-Авваль 1448 ш.) №9.


Дуккаву бигьа хьуншиврул

Дайдирхьунни цIусса дуккаврил шин. Жунма кIулсса куццуй, Аллагьнал ﷻ цIа кIицI ларгун, Занная кумаг чIа увкуну дуллалисса давриву лябуккугу, барачатшивугу дикIайшиву. Дуккаву ккалли дуван бучIир ца яла захIматмур даврин. Мунин бувну, ва макьалалуву цачIун дурну дуссар дук-лакисса чIумал дурккуну...


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


Нюжмар кьини дурну къахъинмур

Бусурмансса халкьуннал дур арулва гьантлий цал тикрал шайсса байран – нюжмар кьини. Му кьини бувсса хъинбалалух, эбадатрах цамур чIумалнияр гьарзасса чири шайссар. Муниятур нюжмар-кьини хъинбала-хъиншивуртту дуллай гьан дуван хIарачат буллан бикIайсса.   Му кьини дувайсса эбадатирттава...


Идавс ﷺ увсса къатта

Маккалул Бану Гьашим тIисса махIлалий буссар гьарцама бусурманчунал дакIниву ляличIисса кIану бугьлагьисса къатта. ХIакьину шикку библиотека бур, аммарив ца заманай ва кIанай бивкIссар щала дунияллул тарихрайн асар биян бувсса инсан – МухIаммад Идавс ﷺ ниттил увсса къатри. Идавсил ﷺ тухум...


Рабиуль-Авваль зурул мажлис

Рабиуль-Авваль зуруй МухIаммад Идавс ﷺ хъун уллай мавлудру дувайсса аьдат дур бусурманнал дянив. Мукунсса мажлис хьунни августрал 24-нний Гъази-Гъумук. Ванил сиптачиталну бувккунни Лакрал райондалул имам ХIабиб Баталов ва райондалул администрация.   Мажлис бувуна паркраву, байбивхьуна...