Ххюлуссуннал жяматрал батIаву

Ххюлуссуннал жяматрал батIаву

МахIачкъалалив «Лучник» тIисса клубраву хьунни Лакрал райондалийсса Муфтиятрал зузалтрал Ххюлуссуннал жяматращалсса хьунабакьаву. Шикку гьуртту хьунни райондалул имам ХIабиб Баталов ва просвещениялул отделданул каялувчи Муъмин Нас-рудинов.

 

БавтIминнал дянив дурунни чIатIаракI ритаврил ва теннисрал бяс-ччаллу.

«ХIакьину жу хьунабавкьуру Ххюлуссуннал жяматращал. ЧIатIаракI ритарду, теннисрай бувкру. Барчаллагь тIиссара ва батIаву сакин дуван кабакьаву дурминнахь, шяраваллил жагьилтурахь», – увкунни Лакрал райондалул имам ХIабиб Баталовлул.

ЧIатIаракI риртун 1-мур кIану бувгьунни Рабаданов Ибрагьимлул, 2-мур – Аьлишаев Аьлил, 3-мур – Кунжуев Рамазаннул.

Теннисралмур турнирдануву ххув хьунни Амиров Кьурбанисмяил, 2-мур кIану бувгьунни Абачараев Мухтардул, 3-мур – Акаев Жамалуттиннул.

2026-09-01 (Рабиуль-Авваль 1448 ш.) №9.


Нюжмар кьини дурну къахъинмур

Бусурмансса халкьуннал дур арулва гьантлий цал тикрал шайсса байран – нюжмар кьини. Му кьини бувсса хъинбалалух, эбадатрах цамур чIумалнияр гьарзасса чири шайссар. Муниятур нюжмар-кьини хъинбала-хъиншивуртту дуллай гьан дуван хIарачат буллан бикIайсса.   Му кьини дувайсса эбадатирттава...


Дуклаки оьрчIал нитти-буттан кумагран

ОьрчIру хъуни баву – ца чулуха захIматсса ва жаваблувшиву хъуннасса, вамур чулухагу ххарисса даву дур. Гьарцагу инсаннан ччиссар цала оьрчI-душ талихIрайн бувккун, дурккусса инсан хьуну. Аммарив чIявуминнан мукунсса хьуншиврул ци дуллан аьркинссарив кIулну къабикIай. На хIадур бував дуклаки оьрчIру...


Аькьлукартурал махъру

МухIаммад Идавсил ﷺ асхIаб Аьбдуллагь ибн Масъоьдлул увкуну бур: «Халкьуннал учай ххаллилсса махъру. Махъру ва тIуллу цасса инсанни талихIрайн уккантIисса. Махъру тIуллаха къалавхьхьума – аьй дуван лайкь хьумари».   Аьбдуллагь ибн Аьмрдухьхьун ца инсаннал буллуссар джигьадрал хIакъиравусса суал....


Идавс ﷺ увсса къатта

Маккалул Бану Гьашим тIисса махIлалий буссар гьарцама бусурманчунал дакIниву ляличIисса кIану бугьлагьисса къатта. ХIакьину шикку библиотека бур, аммарив ца заманай ва кIанай бивкIссар щала дунияллул тарихрайн асар биян бувсса инсан – МухIаммад Идавс ﷺ ниттил увсса къатри. Идавсил ﷺ тухум...


ТIайла буккан ва хьуна бакьин

Аллагьнал ﷻ халкь ляхъан бувну бур, цайва бивхьусса амрурду биттур буллай, дакIурдивусса мурадирттайн билланшиврул. Аллагьнал ﷻ амрурдугу так дин-чаклийну къуртал къашайссар, ми амрурдал вивлавсун буссар инсаннал щалва оьрму. Оьрмулул мутталий инсаннан чIявуну аьрххи-ссапарданийн уккан багьай....