Жула Идавс ﷺ

Жула Идавс ﷺ

Гьари хьхьуну цува утту ишайни
Уссар бусурманчу шагьадат дутлай
Ашадулувугу тасттикь хъанай бур
Аллагь ца ушиву, щак бакъасса Зал.
МухIаммадгу Заннал Илчи ушиву.
Жула заманалул ряхттуршиндарал
Ахир гъан хьуннина Заннал гьан увсса.
Аьбдуллагь, Аминат нину-ппу бусса.
Цивппагу Кьурайши тухумравасса.
Биявав Аминат уванссар арс тIий
Дуниял мукIрусса цал агьамшиврий.
Хьуссари оьрчIая бюхттулсса Идавс,
Цувагу Аллагьнан яла ххирама.
Дунъяллий чIявусса идавстал бувкссар,
Гай ттуршлий кьуния мукьазарнава.
ИвкIун ур МухIаммад e авур ххи хьусса,
Чурххава оьвхъусса, хъачIру уттасса,
Чанна симандалий пиш чан къашайсса.
Идавс цува цуксса хъинсса ивкIнугу,
Мунал оьрму тIурча захIматсса бивкIссар.
Унува нурданул чирахъ кунасса,
Унува гьарцаннан хъинмур чIа тIисса,
Хъинбалдарайн ххуллу ккаккан буллайсса.
ЧIявусса къаршитал хIасул хьуссари,
МукьцIалла шинаву айивхьуссари
Цала идавсшиву ашкара дуллай.
Цуманан ци кумаг аьркинни ккавккун,
Кьадармий кIанттурдайн мачI куна лечлай.
Эбратирал дарсру гьарнал хьхьичI дихьлай,
Аьркинний ссавур дан, аьркинний биян,
РахIму-цIими буван, инсан уруччин,
Ккашилнан ччатI булун, мякьнан щин дулун.

ХАНИЧА АЬЛИЕВА