Агьилшивруя нигь дур...

Агьилшивруя нигь дур...

Ттул ппу ур угьарашиврул, хъинну заэв хьуну, къашавай. Сайки цаласса буван къабюхълахъисса тагьарданийн агьну. ТIайламур бусан, нагу ура хъунав щейхту гукунсса тагьарданий къаличIан нигьа увсун. Дакъассарив хъуна шаврил захIматшивурттая уруччин дуккайсса дуаь?

Жаваб:

Гьарца инсаннан ччиссар лахъисса оьрму бутан, дахьа уттавану къаивкIун, щаллуну ялапар хъанан. БивкIулул ццаххандарал хъиривмур хIучI инсаннал бикIай угьарашиврул заэвшивруя. Щак бакъа, жагьилминналгу, бугьараминналгу цIуллушиврул ца шартI – лайкьну оьрму бутлатавур: чурххан заралмур къабуллай, мюнпатмунихун багьну. Мунищалва архIал гьарзадрай каши дусса Заннайн таваккалгу бутан аьркинссар. Агьилсса оьрмулуву язугъну къаличIаншиврул МухIаммад Идавсил ﷺ укунсса дуаь дуккайва тIар:

للَّهُمَّ إِنِّي أَعُوذُ بِكَ مِنَ الْكَسَلِ ، وَالْهَرَمِ ، وَالْجُبْنِ ، وَالْبُخْلِ ، وَسُوءِ الْكِبَرِ ، وَفِتْنَةِ الدَّجَّالِ ، وَعَذَابِ الْقَبْرِ

«Алла́гьумма инни́ аоь́ҙу бика миналь-касали валь-гьарами валь-джубни валь-бухли ва су́иль-кибари ва фитнати-д-даджа́ли ва аьҙа́биль-кьабр» .

 «Я Аллагь, на Вихь чIа тIий ура уруччаву курчIилшивруя, угьарашиврул заэвшивруя, хьхьарашивруя, мяшшивруя, хъунав шаврил захIматшивурттая, Дажжалнал питналия ва гьаттал аьзаврая».