Шяъван барз
Шяъван барз хъинну ххирасса, даража хъунмасса барзри. Муниву ца кьини зума дургьуну цума ухьурчагу, мунал чурх дужжагьрал цIаран хIарам байссар. Алжаннаву Юсуф идавсил гьалмахчунугу икIайссар. Аюб идавсин ва Давуд идавсинуксса чиригу булайссар. Гьаттал цIаншивугу яла гьан дайссар. Мункар-Накирнал ццахханнараятугу ххассал шайссар. Кьиямасса Кьини мунал аьвратгу чIалан къадикIайссар. Му зурул, хьхьичIра-хьхьичIсса цIузурул хьхьуну, ацIния кIира ракааьт ссуннат-чаклил дуварча, альхIам бувккуну махъ гьарца ракааьтраву ххю-ххюва кьулгьугу буклай, ацIния кIиазара шагьиднануксса чири буссар, ацIния кIира шинай эбадат дурссаксса чиригу чичайссар, ниттил увсса кьини куна бунагьрая марцI шайссар. Муния тихунмай мяйцIалва гьантлий мунал хатIагу къачичайссар.
Бараатрал хьхьу
Шяъван зурул ацIния шамулку хьхьуну, Жабраил малаик ливкссар МухIаммад ИдавсичIан ﷺ, Аллагьнал ﷻ амрулийну, шаниятугу изан увну. «Гьархьхьуну ххирасса хьхьур, вилва мурад чIа уча Аллагьнахь ﷻ», – увкуссар. Яла МухIаммад Идавс ﷺ ивзун дуаь дурссар, умматиннал аьпа ба куну. Яла Аллагьу Тааьланал Жабраил гьан увссар, «Вил умматиннал шанма бутIул ца бутIа вин уква буллуссар», – куну. МухIаммад ﷺ аьтIун ивкIссар, – «Махъминнан ци бувссар» тIий. Мунил хъиривмур ацIния мукьилчинмур хьхьунугу ливккун Жабраиллул увкуссар Идавсихь ﷺ, – «Гьархьхьунугу ххирасса хьхьури, дуаьлухьхьун жаваб дулайсса. Ивзун вила мурад чIа уча Аллагьнахь ﷻ», – куну. Ивзун МухIаммад Идавс ﷺ дуаь дурну, му хьхьунугу цалва уммат чIа увкуссар. Ялагу ливккун Жабраиллул, – «Вилва умматиннал шанма бутIул кIива вин уква буллуссар тIий ур вила Аллагь ﷻ», – увкуссар. МухIаммад ﷺ ялагу аьтIун ивкIссар, махъминнан цивхьуссар тIий. Мунил хъиривмур ацIния ххюкусса Бараатрал хьхьунугу Жабраил малаик ливккун: «Я МухIаммад ﷻ, ва ххирасса хьхьури, вилва мурад чIа уча», – увкуссар. Яла увкуссар: «Я МухIаммад ﷺ, ххаришиву, вилва циняв уммат винма уква буллунни Аллагьнал ﷺ, цайн ширк бивхьума акъасса», куну. Яла МухIаммад Идавс ﷺ ссавруннайн урувгун, арулвагу ссавнил хьулурду тIивтIуну, ссавруннайсса циняв малаиктал суждалийн багьну ххал хьуссар, Идавсил ﷺ умматиннал аьпа бува тIий. Гьарца арулвагу хьулийгу малаиктал ккавкссар, гьархьхьуну эбадат дурманансса, хъинбаларду бувманансса даражарду, чирирду тIий оьвтIий. Яла Идавсгу ﷻ ххари хьуну, мунияр махъ гьарца шинал му хьхьу уттара дуллай ивкIссар.
Бараатрал хьхьуну дурну хъинмур
Му хьхьуну гьарца ссавнил хьулурду тIитIайссар. Шанттуршва рахIматрал хьулу тIитIайссар. Алжанну чIюлу байссар. Малаиктурал байранни. Му хьхьуну Аллагьу Тааьла халкьуннайн аьлтту увккун, сси бизаврил, гуж баврил сипатрая, рязий шаврил, рахIму баврил ссипатрайн аххана хьуну халкьуннай рахIму бувну, рахIат бувну, цинявннал аьпа байссар. Цайнма ширк бивхьуманалгу, ссихIир байманалгу, чяхир хIачIайманалгу, зунарахун агьманалгу, нитти-буттан аькьуба дулайманалгу, риба ласайманалгу, ламмамшиву дайманалгу, силатул рахIму (мачча-гъанминнащал дакьаву) бакъаманалгу бакъасса. Минналссарив, тавба къадурну аьпа къабайссар. Му хьхьуну, гьарцаннал му шинаву бувсса аьмал ссавруннайн лахъайссар. Гьарцаннал ризкьи, ажаллу кьадар байссар. Заннан ﷻ ччан бивкIманалсса кунналсса ажаллу махъун бувтун, кунналсса хьхьичIун буккан бувну насху байссар. Му хьхьугу уттара дурну, му кьинигу зума дугьаврил даража хъунмассар, сайки, му кьини гьарца жиндардил, лелуххантрал, урттилсриннул, хьхьиривусса хIаврал зума дугьайссар.
Му хьхьуну ацIния кIира ракааьт чаклил дуварча, гьарца ракааьтрай «АьлхIам» бувккуну махъ ацIния цалва «Кьулгьугу» буклай, мунал гьарца оьшивугу яла гьан дувайссар, оьрмугу зияда бувайссар. Ялагу му хьхьуну буван хъинсса зад – ца мажлисрай щя бивкIун шамийлва «Ясин» буккинссар. Му бувккутари, мунил хъирив «АлхIамгу» бувккуну, ссалаватгу дуртун, «Илагьи биттажаллил аьъзами...» тIисса, му хьхьуну дуккайсса дуаьгу дуккинссар. Му хьхьуну шамийлва ми бувккуну, шамилла му дуаьгу дуккинссар. ХьхьичIва – хьхьичI ми буккайний дин-тIааьт дайсса оьрму лахъи баннав куну, нийят дуванссар. КIилчин буккайний, хъус-ризкьи гьарта-гьарза баннав куну дуванссар. Шамилчин буккайний, къаччисса зад арх хьуннав, инсантурах мюжтажну къаличIаннав куну данссар. Мий буккайний гьарца чIумал цалла дуаьлухьхьун жаваб дулунссар тIисса заннугу (дакI дацIаву) гьарза дуванссар.
Бараатрал хьхьуну Ясиндалул хъирив дуккайсса дуаь
بِسْمِ اللهِ الرَّحْمَنِ الرَّحِيمِ.
اَللَّهُمَّ يَا ذَا الْمَنِّ وَلَا يُـمَنُّ عَلَيْهِ، يَا ذَا الْجَلَالِ وَالْإِكْرَامِ، يَا ذَا الطَّوْلِ وَالْإِنْعَامِ. لَا إِلَهَ إِلَّا أَنْتَ ظَهْرَ اللَّاجِئينَ، وَجَارَ الْمُسْتَجِرِينَ وَأَمَانَ الْـخَآئِفِينَ. اَللَّهُمَّ إِنْ كُنْتَ كَتَبْتَنَا عِنْدَكَ فِي أُمِّ الْكِتَابِ أَشْقِيَاءَ أَوْ مَـحْرُومِينَ أَوْ مَطْرُودِينَ أَوْ مُقْتَرًا عَلَيْنَا فِي الرِّزْقِ، فَامْحُ اللَّهُمَّ بِفَضْلِكَ شَقَاوَتَنَا وَحِرْمَانَنَا وَطَرْدَنَا وَاقْتَارَ رِزْقِنَا، وَأَثْبِتْنَا عِنْدَكَ فِي أُمِّ الْكِتَابِ سُعَدَاءَ مَرْزُوقُيِنَ مُوَفَّقِينَ لِلْخَيْرَاتِ، فَإِنَّكَ قُلْتَ وَقَوْلُكَ الْـحَقُّ فِي كِتَابِكَ الْمُنَزَّلِ عَلَى لِسَانِ نَبِيِّكَ الْمُرْسَلِ: ﴿يَـمْحُو اللهُ مَا يَشَآءُ وَيُثْبِتُ وَعِنْدَهُ أُمُّ الْكِتَابِ﴾. إِلَـهَنَا بِالتَّجَلِّي الْأَعْظَمِ فِي لَيْلَةِ النِّصْفِ مِنْ شَعْبَانَ الْمُكَرَّمِ الَّتِي يُفْرَقُ فِيهَا كُلُّ أَمْرٍ حَكِيمٍ وَيُبْرَمُ، أَنْ تَكْشِفَ عَنَّا مِنَ الْبَلآءِ مَا نَعْلَمُ وَمَا لَا نَعْلَمُ وَمَآ أنْتَ بِهِ أَعْلَمُ، إِنَّكَ أَنْتَ الْأَعَزُّ الْأَكْرَمُ.
وَصَلَّى اللهُ عَلَى سَيِّدِنَا مُحَمَّدٍ وَآلِهِ وَصَحْبِهِ وَسَلَّم
Бисмиллагьи-р-рахIмани-р-рахIим
Аллагьумма я заль-манни ва ля юманну аьлайгьи, я заль-жалали валь-икрами, я за-тIтIавли валь-инъаьми ля илагьа илля анта загьра-ллажжина ва жарал мустажирина ва аманаль-хаифина. Аллагьумма ин кунта катабтани эндака фи уммиль-китаби шакьийян, ав махIруман, ав матIрудан, ав мукьтарран аьлаййя фи-р-ризкьи фамхIу Аллагьумма бифадзлика шакьаватий, ва хIирманий, ва тIардий, ва икьтара ризкьий, ва асбитний эндака фи уммиль-китаби саэдан, марзукьан, муваффакьан лилхайрати, фаиннака кьулта ва кьавлукаль-хIакъу фи китабикаль-мунзали аьла лисани набиййикаль мурсали ЯмхIу-Ллагьу ма яшау, ва юсбиту, ва эндагьу уммуль-китаб(и). Илагьий биттажаллиль аъзами фи лайлати-ннисфи мин шаъбаниль-мукаррами ллатий юфракьу фигьа куллу амрин хIаким, ва юбраму ан такшифа аьнни миналь балаи ма аъламу, ва ма ла аъламу, ва ма анта бигьи аъламу, иннака анталь-ааьззуль-акраму. Ва саллаЛагьу аьла саййидина МухIаммадин ва алигьи ва сахIбигьи ва саллам.
