Гурд чобана Пејғәмбәр ﷺ һаггында нә данышды?
Гурд чобана Пејғәмбәр ﷺ һаггында нә данышды?
Аллаһын Елчиси - Муһәммәд Пејғәмбәр ﷺ бир чох мөҹүзәләрә (мүҹизатлара) саһиб иди. Пејғәмбәрин ﷺ ән фөвгәладә мөҹүзәләриндән бири онун ҝеҹә сәјаһәти вә ҝөјләрә галхмасы иди (әл-Исра вәл-Мераҹ).
Диҝәр гәрибә, ҝөзәл һадисә ајын парчаланмасы иди. Муһәммәдин ﷺ пејғәмбәрлик миссијасы һаггында ҹанлы вә ҹансыз ҹисимләр шаһидлик едирдиләр. Бу материалда гурдун чобана Муһәммәдин ﷺ елчилик миссијасына неҹә шаһид олдуғундан бәһс олунур.
Әбу Һүрејрәдән нәгл олунур: Бир дәфә ҹанавар ҝизлинҹә чобанын јанына ҝәлиб бир гојуну тутур. Чобан она һүҹум едиб гојуну онун ағзындан дартыб алыр. Гурд тәпәјә галхыр, гујруғуну алтында сыхыб отурур вә дејир: “Мән анҹаг Бөјүк вә Гүдрәтли Аллаһын мәним үчүн јаратдығы рузини тапмаға чалышырдым, сән исә ону мәндән ҝери алдын”. Чобан дејир: “Аллаһа анд олсун! Мән әввәлләр һеч вахт даныша билән ҹанавар ҝөрмәмишәм”. Гурд исә буна ҹаваб верир: “Мән ики Һиррәми дағлары арасында јерләшмиш хурма ағаҹлары арасында јашајан вә артыг баш верәнләр вә сиздән сонра нә баш верәҹәји барәдә данышан инсана тәәҹҹүбләнәрәм”. Бу чобан јәһуди иди. О, Муһәммәд Пејғәмбәрин ﷺ јанына ҝәлиб баш верәнләри она данышыр. Аллаһ Рәсулу ﷺ онун сөзләринин доғрулуғуну тәсдигләјиб дејир: “Бу - Гијамәт ҝүнү нишанәләриндән биридир. Адам евдән чыхыб, гајыданда исә ајаггабы вә гамчысынын онун олмадығы заман евдәкиләрин нә етдикләри барәдә она данышаҹағы о саат јахындыр” (Һәдиси имам Әһмәд ҝәтирмишдир).
Әбу Сәид әл-Xүдринин сөзләриндән имам Әһмәд һабелә ашағыдакы һәдиси ҝәтирир:
Бир дәфә ҹанавар гојуна һүҹум едиб ону ҝөтүрүр, вә онда чобан ону ондан алыр, ҹанавар отуруб сорушур: “Сән Аллаһдан горхмурсан? Сән Аллаһын мәнә ҝөндәрдији јемәји мәндән алырсан?” Чобан ҹаваб верир: “Гурд неҹә гујруғуну алтында гојуб инсан дилиндә даныша биләр!?” Вә ҹанавар дејир: “Сәнә бундан даһа гәрибә оланы дејимми? Муһәммәд ﷺ Јәсрибдә инсанлара кечмиши данышыр”. Вә чобан сүрүсү илә Мәдинәјә ҝәлир. О, сүрүсүнү шәһәрин бир күнҹүндә гојуб Аллаһ Рәсулунун ﷺ јанына ҝедиб баш верәнләри она данышыр. Онда Аллаһ Елчисинин ﷺ әмри илә дуаја чағырыш елан олунур. Вә ҹамаат топлашанда Пејғәмбәр ﷺ чобана дејир: “Онлара даныш”. Вә о, баш верәнләри данышыр. Вә Рәббин Елчиси ﷺ дејир: “Һәгигәтән, Аллаһа анд олсун ки, вәһши һејванлар инсанларла данышана гәдәр, гајыданда исә ајаггабы вә гамчысынын онун јохлуғунда евдәкиләрин нә етдикләри барәдә данышмајынҹа вә балдырынын онун евдә олмадығы заман аиләсинин нә етдијини она билдирмәјинҹә бу Саат ҝәлмәз”.
