МАЈАК
Бу ҝүн Мараты ушаг бағчасындан бабасы ҝөтүрдү. Демәли, евә тәләсмәјә еһтијаҹ јох иди: ҝөлҹүк бојунҹа ҝәзмәк вә чичәк кәрдиләри (ләкләри) илә бәзәдилмиш узун бир јолла ҝетмәк олар.
Ҝөлҹүјүн јанында бабанын севимли скамјасы вар. О, тез-тез тарихи китабларыны өзү илә ҝөтүрәр вә узун мүддәт ҝөлмәчәнин јанында отуруб охујурду.
- Бах, баба, ҝөлҹүјүн о тәрәфиндә һүндүр бир шеј вар. Елә бил бөјүк бир будагдыр. - Марат о тәрәфә ишарә етди.
- Мајак кими ҝөрүнүр, - баба ҝүлүмсәди.
- Мајаклары нијә тикирдиләр, баба?
- Онлар өз сигнал ишыглары илә ҝәмиләрә јол ҝөстәрирдиләр. Мајак дәнизчиләрә онларын олдуғу јери мүәјјәнләшдирмәјә, саһили тапмаға көмәк едир. Онун көмәји илә онлар тәһлүкәли рифләр (суалты ајалар) вә дајаз сулар һаггында да мәлумат әлдә едирдиләр. Бизим дөврүмүздә дәнизләрдә вә океанларда манеәләрдән горунмаг үчүн даһа чох техника вә даһа чох фүрсәт вар. Анҹаг о заман мајак бөјүк бир вәзифә јеринә јетирирди, һәтта бүтүн ҝәминин һәјаты да ондан асылы иди.
- Бәс һарадаса мајак галыб? - марагланан нәвә сорушду.
- Әлбәттә ки, дүнјада онлар тәхминән мин јарым вар. Вә онлар әввәлки кими өз функсијаларыны јеринә јетирирләр. Дүнјада ән гәдим мајак ромалылар тәрәфиндән ерамыздан әввәл икинҹи әсрдә инша едилмишдир. О, һәлә дә Атлантик океанын саһилләрини ишыгландырыр. Вә беләләри дүнјада һәлә дә аз дејил. Чохлары һәтта өлкәләри үчүн диггәтә лајиг јерләр олмушлар.
- Мараглыдыр, нијә мајак золаглыдыр?
- Ҝүндүз узагдан јахшы ҝөрүнмәси үчүн. Золаглы мајак тез ҝөзә дәјир, анҹаг бир рәнҝдә олсајды, ҝөрмәк, сечмәк даһа чәтин оларды, - деди баба.
- Бәс ондан сигнал неҹә өтүрүлүр?
- Адәтән бу, сајрышан, јаныб-сөнән ишыгдыр.
- Каш ки мән дә нә вахтса ҝәминин сүканы архасына кечәјдим!
- Ҝәминин сүканы штурвал адланыр.
- Бәли, штурвал архасында дурмаг, биноклу ҝөтүрүб әсл мајакы ҝөрмәк! Һамыны јухары чпғырын! - Марат гышгырды вә бабасы илә данышаркән дүзәлтдији ағ кағыз ҝәмиҹији үзмәјә бурахды.
