Мән Ајәтул курсини охујурдум. Вә бу мәни хилас етди
Мән Ајәтул курсини охујурдум. Вә бу мәни хилас етди
Кејптаунда (Ҹәнуби Африка Республикасында) баш вермиш реал һадисә
Мәдрәсәдәки дәрсләрдән сонра Әмәтулла евә тәк гајытмалы иди. Артыг ахшам дүшүрдү, буна ҝөрә анасынын нараһат олмамасы үчүн мүмкүн гәдәр тез гајытмалы иди.
Гыз сечим етмәли иди: узун, лакин даһа аз вә ја даһа тәһлүкәсиз јолла ҝетмәли јохса паркдан кечән гыса дүз јолу сечмәли. Анасыны узун мүддәт јохлугдан инҹитмәмәк истәјән Әмәтулла икинҹи јолла ҝетмәк гәрарына ҝәлди. Артыг бајыр гаралырды.
Паркда адам јох иди. Јары јолу кечәндә архасынҹа танымадығы бир адамын ҝәлдијини нараһатлыгла гејд етди. Гыз ҝедәрәк Ајәтул курсини (Бәгәрә сурәсинин 255-ҹи ајәси) охуја-охуја аддымыны максимум сүрәтләндирмәк гәрарына ҝәлди.
Анҹаг бир нечә дәгигәдән сонра намәлум киши онунла бәрабәрләшды, лакин гызын тәәҹҹүбүнә, јалныз ҝүлүшлә она бахыб ирәли ҝетди. Гуртулуша ҝөрә Бөјүк Јарадана тәшәккүр едән гыз тезликлә сағ-саламат евә чатды.
Онун тәәҹҹүбүнә, һәлә евдән кифајәт гәдәр узаг мәсафәдә оларкән, гызыны сәбирсизликлә ҝөзләјән јахынлыгда дајанан анасыны ҝөрдү. Әмәтулланын силуетини ҝөрән кими ҝөз јашлары илә онун гаршысына тәләсди: “Гызым, гызым... Сән сағ-сағламатсан. Һәмд олсун Аллаһа!”.
“Нә олуб, ана?”,- гыз чашгын галмышды – “Сән нијә евдә дејилсән? Нә олуб?” “Дәһшәтли һадисә баш вериб: гоншунун гызы бу ахшам паркдан сәнин кими ејни јолла гајыданда бир гулдур тәрәфиндән зорланыб”, - ҝөз јашлары ичиндән ҹаваб верди гызын анасы.
Бир нечә ҝүндән сонра полис забити Әмәтулланын евинә зәнҝ едиб бир нечә еһтимал олунан тәҹавүзкарын тутулдуғуну сөјләди. Һәмин ҝүн гоншу гызыны онлары танымаға дәвәт етдиләр.
Зәрәр чәкәнинн мәнәви дәстәјә чох еһтијаҹы олдуғу үчүн Әмәтулла онунла бирликдә полисә ҝетмәк гәрарына ҝәлди. Гоншусу кими бу ахшам о уғурсуз јолла гајытдығыны өјрәнән полисләр Әмәтулладан танынмада иштирак етмәсини хаһиш етдиләр.
О дәһшәтли ахшам ҝөрдүјү истеһзалы ҝүлүшү дәрһал таныды вә бу барәдә полисләрә деди. Онун дәһшәтинә вә ејни заманда тәәҹҹүбүнә, бу, гоншусунун таныдығы мәһз о адам иди. Мәлум олду ки, тәҹавүзкар Әмәтулладан ајрыландан бир нечә дәгигә сонра она раст ҝәлиб.
Буну ешидән полисләр тутулан шәхсдән сорушдулар: “Неҹә белә олду ки, биринҹи раст ҝәлдијиниз гыздан садәҹә узаглашараг она ән кичик бир зәрәр вермәдиниз вә башга бир гурбан сечдиниз?”
“Мән ахмаға охшајырам?” - ҹаваб верди тәҹавүзкар. Һәр ики тәрәфиндә һүндүр бојлу кишиләр ҝедән бу гыза неҹә һүҹум едә биләрдим”.
“Анҹаг мән тамамилә тәк идим...” - Әмәтулла ҹинајәткарын ҹавабыны ешидәндә тәәҹҹүбләнди. – “Мән садәҹә олараг анамын һәмишә мәнә өјрәтдији кими мүдафиә үчүн Ајәтул курсини охујурдум...”
