Јәҹуҹ-Мәҹуҹ (Гог вә Магог) – онлар кимләрдир?
Јәҹуҹ-Мәҹуҹ јүксәк дағ дәрәсиндә мүһасирә олунмушдулар
Зү-л-гәрнејнин ҝүҹүнү ҝөрүб бу ҹамаат ондан хаһиш етди ки, муздла Јәҹуҹ-Мәҹуҹ тајфасындан сәдд гурсун. Һәр һансы бир музду алмагдан имтина едәрәк Зү-л-гәрнејн онлар үчүн дәмир дивар (сәдд) тикди ки, Јәҹуҹ-Мәҹуҹ ону нә дешә, нә дә дағыда билдиләр. Јәҹуҹ-Мәҹуҹ о вахтдан бәри Зү-лгәрнејнин тикдији сәдди дешмәјә чалышыр, амма нә гәдәр чалышсалар да, Мүәлла Аллаһ иҹазә вермәјинҹә онлар буну едә билмәјәҹәкләр. Аллаһ-тәала Гуранда бујурмушдур: (мәнасы): “Архасында ики ҹамаат – Јәҹуҹ-Мәҹуҹ (Гог вә Магог) јерләшән сәдд ачылмајынҹа. Вә онлар һәр тәпәдән ашағы ҹумараг бүтүн јер үзүнә дағылаҹаглар”. (“Әл-Әнбија” сурәси: 96)
Мөминләрин анасы Үмм әлҺәкәм Зеј-нәб бинт Ҹәһшдән (Аллаһ ондан разы олсун) сөјләнилир: “Бир дәфә горхудан чулғаланмыш Пејғәмбәр јаныма ҝирди вә уҹадан (бәркдән): “Аллаһдан башга танры јохдур! Вај әрәбләрин һалына шәрдән, һансы ки артыг јахындадыр! Бу ҝүн Јәҹуҹ-Мәҹуҹ сәддиндә белә дешик едилмишдир!”, - бөјүк вә шәһадәт бармагларыны һалга шәклиндә бирләшдирәрәк деди. Мән сорушдум: “Ја Рәсулүллаһ, биз дә мәһв олаҹајыгмы, һәтта әҝәр арамызда салеһләр олса да?”. О, деди: “Бәли, әҝәр гүсурлар (сәһвләр) чохалса”. (Бухари, 3346; Мүслим, 2880) Һәмчинин Әбу Һүрәјрәдән t нәгл олунур ки, Аллаһ Елчиси ﷺ демишдир: “Һәгигәтән, Јәҹуҹ-Мәҹуҹ һәр ҝүн демәк олар ки гүруба кими газыјырлар, вә онлара рәһбәрлик едән дејир: “Гајыдын, сабаһ газыјыб гуртарарыг”. Вә Аллаһ онларын газыдыгларыны бәрпа едир вә сәдди бундан әввәл олдуғундан даһа да мөһкәм едир. Вә бу, онларын зүһур едәҹәји вахта кими давам едәҹәкдир.
Вә Аллаһ онлары инсанларын үстүнә бурахмаг истәјәндә онлар демәк олар ки гүруб олунҹа газыјаҹаглар, вә онлара рәһбәрлик едән мүстәсна олараг дејәҹәкдир: “Гајыдын, сабаһ газыјыб гуртарарыг, ин шаа-Ллаһу Тәала (әҝәр буна Мүтәал Аллаһын ирадәси олса)”. Вә онлар гајыданда һәр шеји гојдуглары вәзијјәтдә тапаҹаглар. Онлар јенә о тәрәфә газыјаҹаглар, сонра Зү-л-гәрнејнин тикдији сәдди дешәрәк бајыра (үзә) чыхыб һәр тәрәфдән адамлара һүҹум едәҹәкләр. Онлар сујун һамысыны ичәҹәкләр, вә инсанлар онлардан өз галаларында ҝизләнәҹәкләр. Онлар ҝөјә өз охларыны ҝөндәрмәјә башлајаҹаглар, һансылар ки онлара сынаг үчүн гана булашмыш гајыдаҹагдыр. Онда онлар дејәҹәкләр: “Биз Јер үзүнүн сакинләринә галиб ҝәлдик вә сәма сакинләринин дә өһдәсиндән ҝәлдик!”.
Вә онда Аллаһ онларын башларына гурдлар (сохулҹанлар) ҝөндәриб онлары өлдүрәҹәкдир”. Рәсулүллаһ ﷺ демишдир: “Руһум Кимин һакимијјәтиндә, әлиндәдирсә, Она анд олсун, торпағын (јерин) һејван вә һәшәратлары онларын бәдәнләриндән (ҹисимләриндән) көкәләҹәк вә ондан дојаҹаглар”. (Имам Әһмәд, 10632; Ибн Мәҹаһ, 4080; Тирмизи, 3153; Ибн Һиббан, 6829)
Ахирәтдән бир аз әввәл Јәҹуҹ-Мәҹуҹун зүһур етмәси
Дүнјанын ахырындан габаг Иса зүһур едәндә, Јәҹуҹ-Мәҹуҹ јенә дә азадлыгда олаҹаглар. Дәҹҹалын өлдүрүлмәсиндән бир аз сонра Јәҹуҹ-Мәҹуҹ ҹамаатынын зүһур етмәси һаггында Иса пејғәмбәрә u хәбәр вериләҹәкдир. Аллаһын ﷻ әмрләринә гулаг асараг о, мүсәлманлары онларын мүдафиәси үчүн Тур дағына ҝәтирәҹәкдир, чүнки бу тајфалары һеч ким өлдүрә билмәјәҹәкдир. Јәҹуҹ-Мәҹуҹ һәр тәпәдән чыхараг өз јолунда дағынты вә ган төкәҹәкләр. Онларын биринҹи дәстәси Тибер ҝөлүнә ҝәлиб онун бүтүн сујуну ичәҹәкдир. Онун јанына онлардан сонунҹулары ҝәләндә онлар дејәҹәкләр: “Нә вахтса бу ҝөлдә су олуб”. Өз јолуна давам едәрәк, сојуб гарәт едә-едә вә өлдүрә-өлдүрә онлар Һәмр дағына јахынлашаҹаглар (Јерусәлимдәдир).
Һәмән вахтда Иса пејғәмбәр u вә онун архадашлары буға башы (јемәк) јүзләрлә гызыл пулдан гијмәтли олмајынҹа тәҹриддә (изолјасијада) олаҹаглар. Аллаһ јенә дә инсанлары бу вәһши тајфалардан горујаҹагдыр. Иса пејғәмбәр u вә онун архадашлары Јәҹуҹ-Мәҹуҹун мәһв едилмәси үчүн јалвардылар. Бу јалвармаја ҹаваб олараг Аллаһ Јәҹуҹ-Мәҹуҹун башларына гурдлар (сохулҹанлар) ҝөндәрир, вә сәһәриси онларын һамысы өлү тапылаҹаглар. Иса пејғәмбәр u вә онун архадашлары ашағы дүшүб ҝөрәҹәкләр ки, торпаг үфунәтли мејитләрә бүрүнмүшдүр. Онлар јенә дә јалварышла Аллаһа ﷻ мүраҹиәт едәҹәкләр.
Аллаһ ﷻ гушлар ҝөндәрәҹәк ки, онларын бојунлары бәктри дәвәләринин бојунларына бәнзәрдир. Онлар мејитләри апарыб Аллаһын ﷻ истәдији јерә атаҹаглар. Сонра Аллаһ јағыш ҝөндәрәҹәкдир, вә јер (торпаг) тәмизләнәҹәк вә өзүнүн әввәлки һәјатына гајыдаҹагдыр.
НУРМҮҺӘММӘД ИЗУДИНОВ
