Шәввалда 6 оруҹ ҝүнүнә ҝөрә мүкафат

Шәввалда 6 оруҹ ҝүнүнә ҝөрә мүкафат

Оруҹ – инсаны нөгсанлардан мәнәви тәмизләјән ибадәтдир, буна ҝөрә дә Рамазан ајы – мәнәви тәмизлик ајыдыр. Рамазан ајындан сонра Шәввал ајы ҝәлир ки, онда да һәмчинин мүсәлманлар үчүн Аллаһа ﷻ даһа да јахынлашмаға надир имкан вар. О, алты ҝүн оруҹ тутмагдан ибарәтдир. Белә оруҹ тутмағын әһәмијјәтлијини Аллаһ Рәсулу ﷺ өзү гејд етмишдир.

Әбу Әјјуб әл-Әнсари t Рәсулүллаһдан ﷺ сорушду: “Бир ҝүнлүк оруҹун мүкафаты он гатдырмы?” Ҹавабында: “Әлбәттә!” – дејилмишди. Ән аз сәјләрә, ҹәһдләрә ҝөрә Аллаһ чохлу мүкафатлар вәд едир – бу, бизә һәдсиз мәрһәмәт вә гулун Аллаһа ﷻ јахынлаша билмәси үчүн Онун ﷻ чохлу имкан вердијинин ајдын әламәтидир. Ибадәтдә ҹәһд ҝөстәрмәк үчүн һәр бир вахт – ән јахшысыдыр, мүсәлман бүтүн өмрү боју ибадәт етмәјә чалышмалыдыр. Мүсәлман дүнјасында бу ифадә һамыја мәлумдур: “Ән пис ҹамаат – Аллаһы ﷻ јалныз Рамазан ајында јада саландыр, һәгигәтән салеһләр – өмрүнүн бүтүн илләриндә ибадәтдән әл чәкмәјәнләрдир”.

Аллаһ ﷻ бәндәнин јахшы әмәлини гәбул едәндә она башга хејирхаһ ишләр ҝөрмәјә дә имкан верир. Бурадан белә чыхыр ки, Рамазан гуртаранда оруҹу тәзәләмәк – Рамазанда тутулмуш оруҹларын Аллаһ-тәала тәрәфиндән гәбул едилмәсинин әламәтидир. Мәлум ифадә: “Јахшы әмәлләрин әвәзи – бу, даһа да јахшы ишләр етмәји давам етдирмәк имканыдыр. Ким јахшы иш ҝөрсә, сонра бир даһа – бу, биринҹи јахшы әмәли гәбул етмәк әламәтидир. Ким јахшылыг едиб сонра пислик етсә, бу онун әламәтидир ки, јахшы әмәл гәбул олунмамышдыр”. Бу, Аллаһын бизә сонсуз мәрһәмәтидир, вә биз буна ҝөрә шүкр етмәји унутмамалыјыг. Салеһ әҹдадларымыз ҝеҹәни ибадәтдә кечирәндә, сәһәриси ҝүн онлар оруҹ тутар вә бунунла Уҹа Аллаһа онлара ҝеҹә ибадәти етмәјә вердији имкана ҝөрә шүкр едәрдиләр.

Шәввалда оруҹун һикмәти

Шәввалда алты ҝүнлүк оруҹун һикмәти Аллаһын мүәјјән етдији бүтүн галан әлавә саваб ишләрин һикмәти кимидир ки, бунун васитәсилә мөминин ибадәти мүкәммәл ола билсин. Бу, Аллаһын сонсуз мәрһәмәтинин тәзаһүрүдүр.

Оруҹлуғун фәзиләти

Шәввал ајында алты ҝүнлүк әлавә оруҹун Сүннә үзрә тутулмасынын арзуолунмазлығы һаггында Мүслим, Әбу Давуд, ән-Нәсаи, Ибн Мәҹа, Тәбәрани вә диҝәр мүһәддисләрин мәҹмуәләриндә јерләшдирилмиш һәдисләрдә дејилир. Әбу Әјјуб әл-Әнсари хәбәр верир ки, Пејғәмбәр ﷺ демишдир: “Рамазан ајында оруҹ тутан вә онун ардынҹа Шәввалын алты ҝүнүндә оруҹ тутан ил әрзиндә оруҹ тутана бәрабәрдир” (Әһмәд, № 23533).

Ибн Һүзејмә нәгл етмишдир: “Рамазан ајынын оруҹуну тутмаға ҝөрә – оруҹлугда кечмиш он ади аја ҝөрә олан мүкафат кими; Шәввал ајында алты ҝүн оруҹ тутмаг – ики белә аја ҝөрә олан мүкафат, вә үмумиликдә бу, ил әрзиндә оруҹ тутмаға бәрабәр мүкафатдыр” (Шәһру Рамазан шәһру әл-Һәди вәл Фүрган). Имам ән-Нәвави бу һәдиси изаһ едәрәк демишдир: “Вә бу, бир ил кимидир, чүнки һәр бир јахшы әмәл үчүн Рамазан ајында он дәфәлик мүкафат јазылыр, алты ҝүнә ҝөрә исә – ики ајлыг мүкафат” (Шәһру Рамазан шәһру әл-Һади вәл Фүрган). Калкулјасија (һесаблама) Шәввал ајында алты ҝүнлүк оруҹун һәгиги мәнасыны јалныз Аллаһ-тәала билир. Бәзи алимләрин фәрз етдијинә ҝөрә, бу әлавә оруҹун хејри бундадыр. Уҹа Аллан ﷻ Гурани-кәримдә бујурмушдур (мәнасы): “Бир јахшы әмәлә ҝөрә он гат әвәзи вериләҹәкдир”. Демәли, Рамазан ајында отуз ҝүнлүк оруҹа ҝөрә үч јүз ҝүнлүк оруҹун сәвабы вериләҹәкдир! Шәввал ајында алты ҝүнлүк оруҹа ҝөрә исә – алтмыш ҝүнлүк оруҹа олдуғу кими! Беләликлә, бу оруҹлары тутмаг нәтиҹәсиндә мүсәлман үч јүз алтмыш ҝүн әрзиндә, јәни бир илдә тутулмуш оруҹлара ҝөрә олдуғу кими хејир-бәрәкәт алаҹагдыр. Бүтүн бунлары Рәбби инсанларын хејри үчүн јаратмышдыр ки, Онун Ризасына наил олмаг бизим үчүн јүнҝүл олсун.

Гејд

Рамазан ајында кимин бурахылмыш оруҹлары варса, онлары гәза (бәрпа) етмәлидир. Шәхс бурахылмыш фәрз оруҹ ҝүнләрини бәрпа едәндә о, сүннәт оруҹлара ҝөрә дә мүкафат алыр. Јәни, әҝәр сиз Шәввал ајында Рамазан ајында бурахылмыш оруҹ ҝүнләрини долдурурсунузса, онда ҝүнләрдән бу алтысы үчүн сиз Шәввал ајынын сүннәт оруҹларына ҝөрә дә мүкафат алырсыныз. Бунунла белә сиз фәрз оруҹлары бәрпа етмәјә нијјәт едирсиниз. Оруҹа бајрам ҝүнүндән дәрһал сонра башламаг јахшыдыр. Оруҹлары далбадал тутмаг мүтләг дејил, анҹаг арзу олунур (сүннәтдир).

Шәввалда оруҹ тутуларкән едилән нијјәт

Нијјәт белә едилир: “Мән Шәввал ајында Аллаһ наминә оруҹ тутмаға нијјәт едирәм”. Аллаһ-тәаланын ризасы – бу, бизим она ҹан атмалы вә өмрүмүзүн мүддәти битәнә гәдәр она лајиг олмаға тәләсмәли олдуғумуздур. Биз билмирик бизә јашамаға нә гәдәр вахт ајрылмышдыр. Ола билсин, тәкҹә бир ај – башга ҹүр јалныз бир ил фасиләсиз ибадәтлә алмаг олан мүкафаты газанмаг имканыны әлдән бурахмајын. Чүнки бу ил олмаја да биләр. Әҝәр олса да, сиз билмирсиниз тәрәзијә нә гәдәр јахшы әмәлләринизи гојаҹагсыныз ки, онлар сизин ҝүнаһ вә хәталарыныздан чох олсун. Сизи гаршыдан ҝәлән Шәввал ајы мүнасибәтилә тәбрик едирик!