Сәфәр ајы бәлалар ајы сајылырмы?
Сәфәр ајы бәлалар ајы сајылырмы?
Мүсәлман тәгвими илә икинҹи ај олан Сәфәр әл-хејр ҝәлиб чатмышдыр. Һамымыз билирик ки, мүсәлманларын бүтүн ибадәтләри, ваҹиб, әһәмијјәтли тарихләри вә һадисәләри мәһз гәмәр (ај) тәгвими илә бағлыдыр. Сәфәр ајы илә исә бәзи стереотипләр бағлыдыр ки, онлара шәриәтдә һеч бир әсас јохдур.
Әбу Һүрәјрәдән нәгл олунмуш һәдисдә Мүһәммәд Пејғәмбәр ﷺ демишдир: “Әдвә јохдур, әммәт јохдур, сәфәр јохдур”. (Мүслим вә Бухари). Јәни, “әдвә” - бир адамдан о бирисинә кечән јолухма, хәстәликдир, “әммәт” – руһларын көчмәсидир (әрәбләр инанырдылар ки, өлүмдән сонра руһ вә бәдән гуша чеврилир), вә “Сәфәр” – адамларын Сәфәр ајы илә бағладыгларыдыр (бәлалар, фәлакәтләр). Һәгигәтән, Аллаһын ﷻ ирадәси, изни, ихтијары олмадан јолухуҹу хәстәлик башгасына кечмир. Һабелә Бөјүк Танрынын ﷻ ирадәси илә бүтүн шәһәр мәһв ола биләр, онун бир сакини исә сағ гала биләр вә јахуд әксинә.
Сәфәр ајы һаггында бу јанлыш етигадлардан бәзиләри ҹаһилијјәт дөврләриндән ҝәлиб чатмышдыр, бәзиләри исә сонралар ҝәтирилмишдир. Сәфәр ајынын пис, јарамајан. әлверишсиз олмасына, һабелә кәбин кәсмәјин арзу олунмамасына, кәбин тәклифинә, јола дүшмәк вә и. а. бу ај әрзиндә, јухарыда гејд етдијимиз кими, Ислам нәзәријјәсинә зиддир. Исламдан әввәлки дөврләрдә әрәбләр бу ајы уғурсуз, нәһс, мәшум сајырдылар. Рәсулүллаһ ﷺ Сәфәр ајына аид белә етигад вә фикирләри рәдд едиб бу барәдә демишдир: “Сәфәр ајында һеч бир пис шеј јохдур” (Бухари).
Демәли, өзләрини Аллаһ Рәсулунун ﷺ давамчылары һесаб едән мүсәлманлар үчүн Рәсулүллаһын ﷺ бирмәналы сурәтдә рәдд етдијинә инанараг гејри-мүсәлманлара охшамаг дүзҝүн олмаз. Өзү-өзлүјүндә пис һесаб олунан һансыса хүсуси бир вахт јохдур, әвәзиндә әмәлләримиз һәм јахшы, һәм дә пис ола биләр. Јахшы әмәлләрин вахты да јахшы олар, ҝүнаһкар ишләрдә вә Бөјүк Аллаһтәалаја аси олан вахтлар исә пис вә уғурсуз, нәһс вә мәшум олар. Демәли, бурдан белә чыхыр ки, өзү-өзлүјүндә Сәфәр ајы пис, нәһс вә мәшум дејилдир. Пис, нәһс вә мәшум о әмәлләр вә јанлыш етигадлардыр ки, онлардан имтина едиб төвбә етмәк лазымдыр. Белә мөвһүматдан, хурафатдан өтрү кәбин кәсмәји, никаһ тәклифини, сәфәрә јола дүшмәји вә диҝәр ишләри ләнҝитмәк, ҝеҹикдирмәк, тәхирә салмаг лазым дејил.
Бөјүк Аллаһ-тәала ﷻ бүтүн мүсәлманлары Рәсулүллаһын ﷻ бүтүн ҝөзәл тәлимләрини, ҝөстәришләрини гәбул едиб онлара риајәт етмәк вә Ислам нәзәријјәсинә зидд олан һәр шејдән имтина етмәк камалындан мәһрум етмәсин.
АБДУЛА АБДУЛҺӘМИДОВ
