Бајрам намазыны бурахмајын!
Сүннәт намазларындан ән үстүнү бајрам намазыдыр, демәли, тутарлы сәбәб олмадан ону бурахмаг олмаз.
Имам Әбу Һәнифәнин мәзһәбинә ҝөрә, бајрам намазы ваҹибдир. Ики бајрам намазындан гурбан кәсилән ҝүн гылынан намаз даһа үстүндүр, чүнки о, Гуранда хатырланыр. Бу намазы елликлә мәсҹиддә гылмаг даһа үстүндүр, амма ону мүстәгил сурәтдә дә гылмаг олар. Бајрам намазынын ики рәкәти вар. Ону гылмаг вахты ҝүн чыханда башланыр вә о (ҝүнәш) зенитдә (ән јүксәк нөгтәдә) чатана гәдәр давам едир.
Бајрам намазынын сүннәтләри
- Ҝүнәш низә јүксәклијинә галхан вахта гәдәр онун гылынмасыны сонраја кечирмәк. Оруҹу ачма бајрамынын намазыны исә ҝүнәш ики низә јүксәклијинә галхан вахта гәдәр јубатмаг јахшыдыр.
- Ону мәсҹиддә гылмаг, әҝәр һамы орада јерләширсә, әҝәр јерләшмирләрсә, онда ачыг јердә. Имам Әбу Һәнифәнин мәзһәбинә ҝөрә ону ачыг јердә гылмаг јахшыдыр. Вә әҝәр намаз мәсҹиддә гылынырса, гадынлар гапыларын јанында дајаныб хүтбәјә гулаг ассалар јахшыдыр.
- Әввәлки ҝеҹәни ајыг кечирмәк. Әҝәр шәхс ҝеҹәнин чох һиссәсини ибадәтдә кечирибсә ја да ахшам, ҝеҹә вә сәһәр намазларыны ҹамаатын ичиндә јеринә јетирибсә, онда бу она бүтүн ҝеҹә сәһәрә кими ајыглыг кими һесабланыр.
- Там дәстәмаз алмаг. Ону иҹра етмәјин вахты ҝеҹә јарысындан башланыр.
- Әтирләнмәк вә гәшәнҝ палтар ҝејмәк. Бу, ушаглар вә кишиләр үчүн арзу олунур. Јашлы гадынлар исә намаза ади палтарда ҝәлирләр. Ҝәнҹ вә ҝөзәл гадынлар исә намаз үчүн мәсҹидә ҝетмәјиб бу намазы евдә гылсалар јахшыдыр.
- Намаза тез ҝетмәк (имамдан башга).
- Намаза бир јолла ҝедиб башга јолла гајытмаг.
- Јолда сәдәгә пајламаг.
- Оруҹ ачма назындан габаг бир аз јемәк вә гурбанкәсмә намазына гәдәр јемәмәк.
