Ҝөзәл бал
Әли фәрәһли нараһатлығыны һеч ҹүр рәф едә билмирди. Бир тәрәфдән, она мараглы иди, диҝәр тәрәфдән – бир аз горхулу.
Әввәлләр бабасы ону һеч вахт өзү илә пәтәклијә апармазды, чүнки о, һәлә чох кичик иди. Кечән ил исә, бахмајараг ки, артыг о, бөјүмүшдү, арыханада јенә дә ола билмәди, чүнки кечән јајы о бири бабасынын јанында, дағларда кечирмишди.
Әли һәм орада, һәм дә орада олмағы севирди. Буна ҝөрә дә онун һәр јајы чох мараглы кечирди. Анҹаг пәтәклик она нәсә тамамилә ајрыҹа, хүсуси бир шеј кими ҝәлирди. Јәгин она ҝөрә ки, һеч вахт орада олмамышды, јалныз узагдан ҝөрмүшдү. Һалбуки шәхси арыларынын балындан баба һәр дәфә онун јанына ҝедәндә пај верирди. Вә гышда да баба онларын јанына шәһәрә мүтләг кичик бал бидону илә ҝәлирди – дүздүр, бал артыг харланмыш, јәни шәкәрләнмиш олурду.
Әли тәзә, сыјыг балы севирди.
Бабасы ҝүлүрдү.
- Бал харланыр, Әли. О, белә гурулмушдур. Вә бундан о, пис олмур.
- Билирәм, - ичини чәкирди Әли. – Садәҹә олараг о бириси даһа чох хошума ҝәлир.
- Вә мүалиҹә үчүн һәм сыјығы, һәм дә харланмышы јахшыдыр, - изаһ едирди баба. – Бал – чох ҝөзәл дәрмандыр.
Вә доғрудан да, Әли хәстәләнәндә, анасы мүтләг она бал верирди – һәм сүдлә, һәм чајла, вә һәм дә садәҹә олараг гашыгдан.
Бу ҝүн сәһәр Әли өз јемәјини һәмишәкиндән даһа тез једи – о, бабасы үчүн белә дадлы вә фајдалы бал һазырлајан арыларын јанына тезликлә гонаглыға ҝетмәк истәјирди.
Чајыны ичиб вә, адәти үзрә, Аллаһын онлара вердији јемәјә ҝөрә Она шүкр едиб, баба анбардан хүсуси палтар чыхарды. Әли артыг беләсини бабасынын әјниндә ҝөрмүшдү. Орада һәм дә тор илә белә ҝүлмәли шлјапа варды.
- Бу, арылар дишләмәсин дејәдир, - изаһ едирди баба. – Онлар орада о гәдәр чохдурлар ки, вә бәзән онлар чох бәрк санҹырлар. Бу палтар исә санҹмалардан горунмаға көмәк едир.
- Онлар бәс нијә санҹырлар? - сорушду Әли. – Ахы, онлар сәнин арыларындыр. Вә сән онлара һеч бир пислик етмирсән. Әксинә, сән онлар үчүн пәтәкләр тикмисән ки, орада јашасынлар.
Баба ҝүлүмсүндү.
-Онлар беләҹә өз евини мүдафиә едирләр. Онлар ахы билмирләр, јахшылыгла ҝәлмисән ја јох...
Әли башыны јырғалады. Баба она палтары ҝејмәјә көмәк етди. Тордан бахмаг гејри-ади иди. Анҹаг арылардан санҹылмыш да олмаг истәмирди. Әлини арылар артыг ики дәфә санҹмышдылар, вә онун дүшүндүјү кими, бурада јахшы бир шеј јох иди.
Онлар зәмидән кечиб бир аздан пәтәкләрә – дешикли ағаҹ евҹикләрә јахынлашдылар.
давамы вар
