Достлуг сынағы
Достлуг сынағы
Әзиз достум! Достлуг һаггында кичик бир һекајәт ешитмәк истәјирсәнми? Әҝәр истәјирсәнсә, онда ҝәл башлајаг.
Кичик бир кәнддә ашағыдакы һадисә баш вермишди. Сәлим, Мүслим вә Мүһәммәд һәлә биринҹи синифдән дост идиләр. Онлар һәр ҝүн бирликдә мәктәбә ҝедир вә мәктәбдән сонра бош вахтларыны да бирликдә кечирирдиләр. Дәрсләрдән сонра ән азы бир јахшы иш ҝөрмәјә чалышырдылар: јашлы адамлара көмәк едир, ушаглара бахыр, хәстәләрә гуллуг едирдиләр вә с.
Анҹаг бир дәфә елә олду ки, оғланлар мүбаһисә етдиләр. Бу, белә олмушду. Һәмишә олдуғу кими, әввәлҹәдән разылашдырылмыш јердә дәрсләрдән сонра топлашыб онлар јардыма еһтијаҹы оланлары ахтармаға ҝетдиләр. Онлара биринҹи ағыр пакетләр дашыјан нәнә раст ҝәлди. Онларын ағырлығы алтында о, чәтинликлә аддымлајырды. Ҝөрүнүрдү ки, о узагдан ҝәлиб вә јолдан чох јорулуб.
Оғланлар она јахынлашыб көмәк етмәк истәдикләрини дедиләр. Әввәлҹә нәнә көмәкдән имтина едирди, лакин узун дилә тутмадан сонра пакетләри ушаглара вериб онлары кимә апармаларыны ҝөстәрди.
Әввәлҹә һәр шеј јахшы ҝедирди. Оғланлар нәнәдән һәрәси бир пакет ҝөтүрдү, ән јүнҝүлү исә онда галды.
Евә ҝедәркән нәнә оғланларын неҹә шән вә меһрибан ишләдикләрини ҝөрдү вә онларын достлуғунун мөһкәмлијини јохламаг гәрарына ҝәлди.
О, белә һијлә фикирләшиб тапды: онлара деди ки, әлиндә галан пакети апарана булка верәҹәк.
Оғланлар аҹ идиләр вә нәнәнин үстүнә ҹумдуларлар - һәрә пакети әввәлҹә алмаға чалышырды.
Биринҹи Мүслм јанашды. Нәнәдән пакети ҝөтүрүб Мүслүм севинди, ирәли гачды вә һәтта достларыны лаға гојараг дилини ҝөстәрди.
Анҹаг бу заман Сәлим јүјүрүб онун јанына ҝәлди.
- Вер пакети мәнә! Мән дә булка истәјирәм! - гышгырыб Мүслимин әлиндән пакети дартыб алды.
- Далашмајасыныз дејә пакети өзүм аларам, өзү дә ки мән һамыныздан ән бөјүјәм. Буна ҝөрә дә пакети мәнә вер, - дејиб Мүһәммәд пакети достундан алды.
Оғланлар мүбаһисә етмәјә башладылар. Аз гала дава дүшүрдү. Анҹаг дајаныб баш верәнләри изләјән нәнә ишә гарышды. Бунун зарафат олдуғуну вә ушагларын достлуғунун нә гәдәр ҝүҹлү олдуғуну јохламаг истәдијини етираф етди.
- Достлар бүтөв бир олмалыдырлар, һәр шеји һәмишә вә бирликдә еләмәлидирләр, - деди о. Сонра исә әлавә етди: - Јадда сахлајын, ушаглар, әсл достлар хырда шејләрдән өтрү мүбаһисә етмәз вә һәтта сон чөрәк тикәсини дә бәрабәр бөләрләр. О, әсл дост да елә бунун үчүн лазымдыр.
Ушаглар өз әмәлләриндән утандылар, онлар нәнәдән үзр истәдиләр вә евә чатанда пакетләри она вердиләр. Нәнә онлара тәшәккүр етди, бир пакетдән булка чыхарыб оғланлара узатды. Онлар ону өз араларында бәрабәр бөлүб нәнәјә тәшәккүр етдиләр.
- Дәјмәз, - деди нәнә, - амма мәнә сөз верин ки, бу ҝүн билдијинизи һеч вахт унутмаз вә һарада олсаныз да буну јадда сахлајыб дүзҝүн һәрәкәт едәрсиниз.
Оғланлар белә едәҹәкләринә сөз вериб көмәјә еһтијаҹы оланлары ахтармаг үчүн ҝетдиләр.
Онлар сонра да адамлара көмәк етмәјә чалышыр, онлардан һәјаты өјрәнир, амма һеч бир дәрс о нәнәдән алдыглары һәјат дәрси илә мүгајисә едилә билмәзди. Онлар һәмишә ону хатырлајыр, һеч вахт далашмыр вә хырда-хурушдан өтрү мүбаһисә етмирдиләр. Ахы әсл достлар белә һәрәкәт етмирләр.
